Friday, August 13, 2010

Genital Warts: Lunas at Paano Makaiwas




Isa sa mga kinatatakutan na sakit ngayon ang pagkakaroon ng genital warts o iyong kulugo na nagsisimulang mamulaklak sa paligid ng iyong ari at kung hindi maagapan ay maaaring kumalat sa iba pang parte ng iyong katawan.

Ang Genital Warts ay sanhi ng Human Papilloma Virus na kalimitang nakukuha sa walang pag-iingat na  pakikipagtalik Kung ikaw ay mayroon na ng sakit na ito ay makabubuting pag-ingatan mo na na huwag itong kumalat pa sa iyong katawan o makahawa sa iyong partner.

searched from google image for illustration purposes only
Ito ang ilan sa mga paraan para maagapan ang pagkalat ng genital warts

1. Maiiging huwag tangkain na pisain, putukin o kamutin ito.

2. Mas makabubuting alam nang iyong partner ang dinaranas mong sakit. Iwasan nang makipagtalik sa kanya na walang ginagamit na proteksyon gaya ng condom.

3. Iwasang hawakan ang genital warts ngunit kung hindi maiwasan ay makabubuting ugaliin na maghugas ng kamay gamit ang isang germ protection soap at maligamgam na tubig.

Ilan Sa Mga Sintomas Ng Genital Warts Na Maaaring Maranasan

1. Pagkakaroon ng matigas na kulay pulot -pukyutan na hugis pabilog. Mas makati kung mainit ang panahon at madalas sa gabi madaranas ang pangangati. Sa mga kababaihan, ito ay maaaring makita sa loob at labas ng kanilang ari, puwit o sa cervix. Sa kalalakihan, pansin ito sa kanilang bayag, sa uluhan ng ari o sa singit. Kung minsan ito ay kumpol-kumpol na para bang isang cauli-flower.

2. Hindi maipaliwanag na pagkahapo o sinat. Masangsang ang amoy ng hininga, ihi at dumi.

3. Pamamaga at singaw sa gilagid. Kung minsan ito rin ay nagpapakita sa bahagi ng bibig na parang singaw.

4. Pangangati at pamumula sa bahagi ng singit.

5. May sakit na mararamdaman sa tuwing dumudumi na para bagang pinupunit ng maigi ang butas ng iyong puwit

Kung nakakaramdam na ng sintomas ng genital warts

Makabubuti na kumonsulta na sa doktor. Iba't iba ang paraan upang maagapan ang pagdami ng genital warts lalo na sa bahaging kita sa katawan. Pwede mong subukan ang laser treatment ngunit may kamahalan ito o maaari din namang sumubok ng mga natural na paraan upang maagapan ito sa murang halaga.

Nakakahawa ang sakit na genital warts

Tama, maaaring mapasa sa ibang tao sa pamamagitan ng pakikipagtalik; bibig, ari o puwit man. At ang totoo pa ito rin ay maaaring mapasa sa pagdikit sa balat ng isang taong mayroon nito. Magkagayon, hindi lahat ng taong lantad sa virus na ito ay magkakaroon nito. May ilan-ilan lamang na kaso na ganoon. 

Tandaan walang partikular na lunas para gamutin ang genital warts, ngunit may mga paraan upang maalis ang mga warts na bahagyang kita, magkagayon ay maiiwasan ang pagkakaroon ng impeksyon o pagdami. At nabanggit ko na ang natural na paraan para maagapan ito.

Paraan Naman Upang Maiwasan Ang Pagkakaroon Ng Genital Warts:

1. Dahil nga ito ay madalas na nakukuha sa pakikipagtalik ay makabubuting iwasan na ang pakikipagtalik sa iba't ibang tao. Maging tapat sa iyong partner.

2. Ugaliin ang paggamit ng condom sa pakikipagtalik. Ang condom ay ang iyong sandata upang makaiwas sa mga sexually transmitted disease gaya nito.

3. Maaaring magpabakuna ang mga tao babae man o lalaki anim na taon hanggang dalawampu't anim upang maka-iwas dito. Ugaliin rin ang regular na bisita sa inyong physician.

Upang Makatulong 

Kung ang inyong anak naman ay nagiging maalam na sa mga usaping may kinalaman sa pakikipagtalik ay makabubuting kausapin mo na siya at bigyan ng payo sa tamang paraan para maiwasan ang pagkakaroon ng genital warts pati na sa iba pang uri ng STD. Kung hindi makasisira sa inyong relihiyon, ay maaari mo siyang turuan ng mga proteksyon gaya ng paggamit ng condom.

Alam nating mahirap para sa mga kabataan ang maintindihan ang mga uri ng STD gaya ng genital warts, tulad ng ibang sakit ay mas maigi nang malaman na ng inyong anak kung paano ito maiiwasan habang maaaga pa.

Basahin din: Wart Removal: Iba't ibang uri at Mabisang Pantangal Kulugo

4 comments:

  1. Sana mapayuhan mo kami kung pano makakaiwas na makakita ng picture ng etits na may genital warts.

    Hindi na kinailangan pintahan, sumurprise na lang bigla 'a. Hindi naman sa nandiri kami, ayaw lang namin nakakakita ng bird ng iba kung hindi nakabaon sa babae sa porn.

    Hanggang sa sunod na pagdaan namin dito. Apir.

    ReplyDelete
  2. hehe...for illustration purposes only...lol ;)

    ReplyDelete
  3. @ epal

    pinalitan ko na yung pic para medyo kaaya-aya, salamat sa pagbisita at iyung masusing komento ;)

    ReplyDelete
  4. harhar..
    kea nga nilagay yNg pix n un pra makita muh rN kUng aNuh un>>!!
    haiz..

    ReplyDelete

ShareThis