Hindi pa man ako nakararanas na maipit sa gulo tulad ng barilan o pag-aamok, ay maigi nang maging handa ako sa mga insidente gaya nito upang ako ay maligtas. Kaya naman, nais ko ring ibahagi sa iyo ang aking mga natutunan sa araw na ito kung paano ka hindi madadamay sa mga ganitong uri ng pangyayari. Tandaan, kahit hindi man natin gustong mangyari sa ating buhay ang mga ganitong uri ng insidente, mas maigi nang maging handa. Ito ang mga tips ko sa'yo upang makaligtas sa mga nagbabarilan o nag-aamok:
1. Maging pamilyar ka sa iyong kapaligiran. Sanayin mo ang sarili na alamin kung saan ang pinakamalapit na labasan sa lahat ng oras. Alamin ang mga lokasyon na pwede mong pagtaguan tulad ng kung ikaw ay nasa isang eskwelahan,opisina o gusali.
2. Bago ka tumawag sa emergency hotlines gaya ng 117, hanapin mo muna ang mga paraan kung paano ka maliligtas, maging alisto lalo na't kung ikaw ay nasa panganib na ng barilan.
3. Kung wala nang paraan pa para maghanap ng pagtataguan, tumakas ka na agad bago ka pa mahagilap ng mga kriminal. Maiging iwan na ang mga bitbit o gamit na magiging hadlang sa iyong pagtakas. Tandaan, mas mahalaga ang buhay mo kaysa sa mga ito.
4. Kung ikaw ay nasa loob ng isang kwarto, siguraduhing ikandado mo ito. Piliting huwag ka nang gumawa ng ingay pa upang hindi ka matunton ng mga suspek. Kung sa lugar na iyong pinagtataguan ay may mga bintana na pwedeng maging daan upang makatawag ka ng tulong ay subukan mong lumabas roon.
5. I-silent mode ang iyong cellphone na hawak habang ikaw ay nasa lugar na pinagtataguan. Subukang tumawag sa mga pwedeng hingan ng tulong nang hindi ka maririnig ng kahit na sino lalo na ng mga nag-aamok ng gulo.
6. Gumamit ng mga sandatang improvised o kung may mga nakita kang pwedeng ibato ay hawakan mo na ito. Magagamit mo ang mga iyan kung sakaling natuntun ka ng mga kriminal.
7. Gumawa ng agresibong aksyon kapag wala nang huling pagkakataon para mailigtas ang sarili. Maging maingay na,matapang at magalaw sa pag-atake mo sa kalaban. Batuhin o hampasin siya ng mga bagay na matitigas. Dahil kung sadyang malakas ang iyong loob na labanan sila ay bigyan mo nang pagkakataon ang iyong sarili na sirain ang kanilang diskarte para ikaw ay makaligtas.
8. Huwag mong hayaan ang sarili na makita ka ng mga pulis na may hawak na sandata dahil baka mapagkamalan kang kasabwat ka ng mga terorista.
Ang mga tips na ito katoto ay huwag mong ipagsawalang bahala dahil tiyak na magagamit mo ito sa panahong hindi mo alam kung kelan ito mangyayari sa iyo. Ibahagi ang tips na ito sa iyong mga kaibigan sa pamamagitan ng pagtweet at paglike ng post na ito. Gamitin ang mga button na makikita sa itaas o ibabang bahagi ng blog na ito.
Comments
Post a Comment