Tips Kung Paano Makaiwas sa Trangkaso (FLU)

Panahon na naman po ng tag-ulan at kaliwa't kanan na bagyo kaya marami sa atin ang nagkakasakit dahil sa paiba-ibang klima ng panahon. Nandiyan ang may sipon,ubo, at lalo na ang trangkaso (flu).

Taun-taon ay napakaraming kababayan natin ang dinadalaw ng trangkaso. Nagdudulot ito ng epidemya na maaaring maging sanhi ng pagliban sa trabaho o eskwelahan. Kahit sabihin pa na ito ay flu o trangkaso lamang, iba pa rin ang pakiramdam ng katawang may sakit at siyempre kinakailangang magpagaling ng husto bago makapasok sa trabaho o eskuwelahan.

Ang ugat ng trangkaso ay dala ng virus na influenza, nakakahawa ang virus na ito at madali itong malipat sa ibang tao sa pamamagitan ng pag-ubo o pagbahing. Mahirap mapigilan ang pagkalat nito sapagkat dalawang araw pa man bago lumabas ang sintomas ng flu, naihawa mo na ito sa iba.

Hindi rin pangkaraniwang ubo't sipon lamang ang trangkaso dahil may dala rin itong kumplikasyon dahil pinahihina ng trangkaso ang ating resistensya kaya madaling makapasok ang impeksyon tulad ng pulmonya at pwede rin nitong palalain ang iba pang kondisyon tulad ng diabetes, bronchitis o sakit sa baga.

Paano ba tayo makaiiwas sa trangkaso? may ibinibigay ngayong bakuna laban sa influenza bago magsimula ang tag-ulan at taglamig. Maipapayo sa mga senior citizen na may diabetes, asthma at iba pang kondisyon ang magpabakuna laban sa trangkaso. Bukod sa pagpapabakuna, iwasan din ang mga masisikip o crowded na lugar, pagkain ng balanced diet, pag-eehersisyo at malusog na pamamaraan ng pamumuhay, pag-inom ng mga fruit juice at vitamin C supplement para lumakas ang ating resistensya. Iyan ang ilang tips kung paano makaiwas sa trangkaso o flu. source: Sabi ni Doc ni Shane M. Ludovice Bulgar

Comments

Iba Pang Kaalaman Tungkol Sa Genital Herpes

Ang artikulong mababasa sa baba ay mula sa pahayagang Bulgar sa kolum na Sabi ni Doc ni Shane Ludovice M.D. Ito ay tungkol sa nararanasan ng isang babae tungkol sa pagtutubig ng kanyang ari na tila pabalik-balik. Ano kaya ito? Sabi ni Doc, maaaring genital herpes ang nararanasan ng babae. Ito ay dala ng virus na Herpes Simplex. Maaari itong makuha sa pakikipagtalik sa pwerta, puwit, o oral s&x o pagdikit sa sugat ng taong impektado. Sa genital herpes, nakakakita ng mga butlig na may tubig na parang pasa o sugat sa dakong ari at ito ay makati, mahapdi o masakit. Paminsa-minsan ay nakararanas din ng masakit na pag-ihi o kaya ay nakararamdam ang pasyente na parang may trangkaso. Ang nasabing virus ay maaaring magpabalik-balik. Ngunit sa paglipas ng panahon, nababawasan at dumadalang na ang tindi ng atake nito hanggang tuluyan nang huminto ang atake ng herpes. May mga gamot na klasipikadong anti-herpes pero ang ginagawa lamang nito ay pabilisin ang proseso ng paggaling ng suga...

Tips Para Mawala Ang Sinok (HICCUP)

Hindi kaaya-aya sa pakiramdam ang sinukin (HICCUP) lalo’t nasa harap ka ng isang importanteng meeting o di kaya nama’y first time mong maka-date ang iyong nililigawan. Paano ba mawala ang sinok? Heto ang ilang tips para mawala ang ganitong pakiramdam. Pigilan mo ang iyong paghinga hangga’t sa makakaya mong gawin ito. Takpan mo ng iyong mga daliri ang iyong magkabilang tenga at malumanay na pisilin matapos ang ilang minuto. Yumuko sa baywang at uminom ng tubig habang nasa ganoong posisyon. Kumain ng luya. Sumipsip ng hiniwang kalamansi o lemon. Lumagok ng isang kutsaritang suka Mahigpit na takpan ng paper bag ang iyong bibig. Pagkatapos ay huminga at bumuga ng hangin sa loob ng paper bag. Lumunok ng isang kutsaritang asukal at pagkatapos ay uminom ng tubig. Magpuno ng tasa ng tsaa mga hanggang 2/3 ang pagkapuno. Sunod ay maglagay ng nakasaliwang kutsarita. (i.e ang hawakan sa tasa) at uminom ng normal. Magiging abala ka sa kutsara na huwag malaglag sa tasa habang ikaw ay umii...

Tips o Mga Kaalaman Tungkol Sa CYST

Individuals who have cyst are concern if this can make them paralyzed when not medically cured by surgery. What is cyst and what to do? Ito ang ilang tips o kaalaman tungkol sa cyst. Cyst- What it is and What to Do? Most often, cyst that are shown on our back body part is called sebaceous cyst. Ang sebaceous gland ng ating balat ay nagbubuga ng sebum. Ito ay isang uri ng langis na siyang nagpapanatiling malusog sa ating balat. May mga sebaceous gland sa ating buong katawan maliban lamang sa talampakan at palad. Mas madalas na makita ang sebaceous gland na ito sa katawan,mukha,balikat at ari. Kapag nabarahan ang mga outlet ng glandulang ito, magpapatuloy pa rin itong maglabas ng sebum at kapag naipon, itoay magiging cyst at ito ay mapapansin na nakaumbok sa balat, matigas at puwedeng lumaki kung mananatiling hindi impektado. Mas madalas kaysa hindi, naiimpeksyon ang mga naturang cyst. Kakailanganin ang minor operation (out patient lamang) para sa sebaceous cyst subalit, ...

TiPs ni KaTotO

Search This Blog