Bakit Maraming Takot Sa DENTIST?

Mas takot daw sa dentist ang mga babae kaysa sa mga lalake ayon sa isang survey. At ang dentista ang isa sa mga doktor na kinatatakutan ng marami sa atin.

Ang pagsasawalang-bahala sa pangangalaga ng ating ngipin ay maaaring magresulta pa ng lalong paglala kaya mainam na magtungo agad sa dentista.

Pero bakit nga ba maraming takot sa dentist? Ito ang ilan sa mga kadahilanan:

Takot sa mga kagamitan ng dentista gaya ng drill at iba pa na tipong nakakasakit.

Nakaranas na siya ng hindi maganda sa dati niyang dentista. Siguro’y hindi ito nagpakita ng simpatiya sa kanya kaya’t takot na magpabunot ng ngipin.

Takot sa injection sapagkat ito masakit at nagdudulot ng tensyon.

Nahihiyang magpatingin sa dentista sapagkat mabaho ang kanilang hininga o maraming sira ang ngipin.

Ang labis na takot na ito sa dentista ay maaaring magresulta sa phobia.Magkagayon wala pa namang direktang paliwanag tungkol sa ugnayan ng normal na takot sa phobia.

Mayroong mga sintomas na nagpapakita na ang isang tao ay may phobia sa dentista. Una’y hindi sila makatulog ng maayos sa gabi lalo’t bukas na ang araw ng pagbubunot ng ngipin. Ninenerbyos ng husto habang naghihintay na siya na ang susunod na bubunutan ng ngipin. Nais na umiyak kapag nakita na ang dentista at labis ang pagpa-panic kapag nakakita na ng mga dental equipment na parang hindi na makahinga sa takot.

Source: medicmagic.net