Energy Drink – Panganib Sa Dental Health

Naging opsyon na para sa ilan ang pag-inom ng energy drink matapos nilang mag-ehersisyo. Maigi kasi itong inumin kaysa sa softdrinks. Pero alam ninyo bang may panganib ding dulot ito sa ating dental health? Pwede itong magdulot ng kung tawagin ay dental erosion.

Isang bagong ulat ang inilathala ng General Dentistry na nagsasabing ang energy drink ay naglalaman ng acid na pwedeng maging sanhi ng pagkakaroon ng tooth decay. Marami sa mga pasyente ang nakaranas ng pagiging acidic ng kanilang bibig matapos silang ma-enganyo sa pag-inom ng energy drink.

Matapos ang limang araw na pag-inom ng energy drink at ma-expose sa acidic content nito, ang tooth enamel ay unti-unting mababakbak at magiging sanhi ng mga pagkasirang hindi madaling ma-remedyuhan. Kapag walang proteksyon sa enamel, nagiging sensitibo ang ating ngipin, dahil riyan mas maraming tsansa na magkaroon ng cavities at maging sanhi pa ng iba pang pagkasira sa ngipin.

Bukod sa panganib na dulot ng energy drink sa dental health. Ang mga sport drinks din ay naglalaman ng mga sugar na maaaring maging sanhi ng mga chronic diseases gaya ng obesity, diabetes, at heart problem. 

Bukod sa mga hidden sugar mayroon din itong caffeine at substances na hindi kontrolado ng mga regulatory agencies.

Hindi rekomendado ng mga doktor na agad mag-sepilyo pagkatapos uminom ng energy drink sapagkat maaari lamang kumalat ang mga acid sa paligid at maging dahilan ng dental erosion.

Kung nais mong umiwas sa panganib na hatid nito, basahin dito ang ilang alternatibong inumin sa Energy Drink. 

Source: medicmagic.net