Dark Circles Around The Eye – Paano Mawala?

Nangingitim ang ilalim ng iyong mata lalo’t kung wala ka sa tulog o nakararanas ka ng fatigue. At sadyang napakapangit nito sapagkat magmumukha kang matanda.

Heto ang ilang natural na paraan para mawala ang dark circles sa paligid ng iyong mga mata

Magdampi ng bulak sa isang binalatang hilaw na patatas. Ipikit ang mga mata at ilagay roon ang bulak. Siguraduhing natatakpan ng bulak ang paligid ng mata kung saan ang pangingitim. Iwan roon ang bulak at pagkatapos ay maghilamos.

Pwede mo ring gawin ang paggawa ng mixture mula sa isang kutsarang kamatis at lemon juice. Ilagay lamang ito sa pangingitim ng mata. Gawin ito dalawang beses isang araw.

Isa pang alternatibo ang pag-inom ng isang basong tomato juice na may halong dahon ng mint, lime juice at asin. Inumin ito ng dalawang beses isang araw. Bukod sa mawawala ang dark circles sa paligid ng mata ay magiging maaliwas din ang iyong mukha.

Kung pagod ang mata, mainam ang magtapal ng mint leaves, ito ay magbibigay ng malamig lamig na pakiramdam dito.

Bago matulog ay huwag kalimutang magpahid ng cream na mayroong vitamin E at C sa nangingitim na mata.

Source: medicmagic.net