Mga Pagkaing Lunas Sa NAUSEA

Mahirap din ang pagkakaroon ng NAUSEA. Madalas kang makaramdam na para bang ikaw ay nasusuka kapag nakakakita ka ng pagkain. Iyan tuloy ang dahilan kung minsan kaya wala kang gana sa pagkain. Hindi naman magandang umiwas na lang sa pagkain sa tuwing makakaramdam ng ganito dahil makakaapekto naman ito ng labis sa iyong kalusugan.

Maraming dahilan kung bakit nagkakaroon ng Nausea. Pwedeng sanhi ito ng gastritis, acidity, pagdadalang-tao o pananakit ng tiyan.

Kapag ikaw ay dumaranas ng Nausea ay parang laging gusto mong sumuka na lang pagkatapos mong kumain. Kung ikaw ay nakararamdam nito ay dapat na maging mapili ka sa iyong mga kinakain.

Ito ang mga pagkaing pwedeng makatulong sa'yo upang mawala o lunasan ang iyong nausea.

Mansanas. Ang prutas na ito ay mayaman sa fiber na siyang lunas sa nausea. Masustansya ang prutas na ito at hindi nakakasira ng tiyan.

Luya. Kung nakakaramdamam ka ng pagsusuka, maigi ang pag-ngata ng luya. Mayroon kasi itong aroma at lasa na makakapagpa-hupa sa nararamdaman mong nausea.

Nuts. Ang kakulangan sa protina ay maaaring magdulot ng nausea. Kaya maigi ang pagkain ng almonds at peanuts para makadagdag sa enerhiya at upang mapaigi ang iyong kondisyon.

Cracker. Nakaka-absorb naman ng stomach acid at nakakagamot sa nausea ang mga starch mula sa pagkain ng biscuit at tinapay.

Saging. Dahil sa nakakapanghina ng pakiramdaman ang nausea, maigi ang pagkain ng saging dahil isa ito sa mga prutas na isang instant energy booster.

Fruit Juice. Gawing juice ang iyong mga paboritong prutas, dahil ang mga ito ay kilalang lunas din sa nausea.

Tubig. At panghuli, uminom ng tubig. Dahan-dahan lamang at huwag biglain ang pag-inom. Makakatulong ang tubig upang mawala ang pananakit ng ulo na dulot ng Nausea.