Ayon sa pag-aaral ay kinakailangan na matanto sa gene ng bawat babae na nakararanas ng pre-menstrual syndrome ang dahilan ng pagsumpong nito. Ito ang ilang tips ng mga eksperto para lunasan ang PMS.
Itaboy ang PMS mula sa pagkain kada dalawang oras. Ang pagpapanatiling steady ng blood sugar sa pamamagitan ng pagkonsumo ng kaunti at magagaang na pagkain kada dalawang oras, sa halip na pagkonsumo ng mabibigat na almusal, tanghalian at hapunan ay mahusay upang tuluyang maitaboy ang sintomas.
Ayon sa eksperto, ang pagpapanatiling steady ng blood sugar ng isang babae ay mainam na sandata upang maging normal ang gene ng katawan.
Kumonsumo ng Vitamin B6 para maitaboy ang iritasyon. Ang tinatawag na PMS gene ay nagbubunsod sa mood-elevating brain chemical serotonin. Gayunman, mainam ang pagkonsumo ng 100mg. Vitamin B6 sa araw araw, sapat na upang maiwasan ang tinatawag na genetic malfunction at makabuo ng produksyon ng seratonin na tinatayang nagpapabuti sa nararanasang iritasyon ng hanggang 78%. Para sa pinakamainam na resulta na resulta, mainam ang pagkonsumo ng B complex supplement sa halip na B6 na tinatayang mas epektibo.
Gayunman, mainam na ipasuri muna sa mga doktor ang anumang supplement bago man ito konsumuhin.
Magpaaraw. Ang paglalaan ng 30 minutong pagpapaaraw sa umaga sa unang sikat nito ay tinatayang nakapagtataboy ng tinatawag na PMS- triggered moodiness, iritasyon at tensyon ng hanggang sa kalahati makalipas ang isang buwan.
Ayon sa pag-aaral, ang sunlight therapy ay nakababawas sa sintomas ng fatigue, bloating at pananakit ng dibdib.
Ang sikat ng araw diumano ay nakapagpapabuti sa kondisyon ng utak, na nagbubunsod sa pagbabago ng hormones.
source: Bulgar credits to:No Problem ni Ms. Myra
Comments
Post a Comment