Skip to main content

School Tips: IBANG PARAAN PARA MAKAPAG-ARAL

By




Matapos kuwentahin ang mga gastusin sa pagbabalik-eskuwela sa panahon ng kawalan ng trabaho, ang kasunod na konsiderasyon ay kung saan kukunin ang perang pantustos sa pag-aaral.May ipon bang pera na maaaring ipandagdag sa mga gastusin? May nga ari-arian bang puwedeng ipagbili? Tandaang hindi dapat gamitin para rito ang pondo sa pagreretiro dahil mahihirapan nang kitain ang dapat sana’y tutubuin ng pera kung hindi ito gagalawin. Ang dapat sa ganitong sitwasyon ay ipagpatuloy ang pamumuhay na gamit ang pormula: “Kita bawasan ng ipon ay paggastos” o “ Income minus savings equals expenses.”

Maliban sa ipong pera, maaaring bigyan ng konsiderasyon ang mga sumusnod para makapag-aral:

1) Mag-aplay ng scholarship sa TESDA (Technical Education and Skills Development Authority) o sa iba pang ahensya ng gobyerno o pribado na nagbibigay ng mga libreng edukasyon.

2) Mag-aral sa gabi o tuwing weekend o ‘di kaya sa pamamagitan ng internet online education. Sa ganitong paraan, maaari pa ring makapagtrabaho kasabay ng pag –aaral kahit pa medyo mas matagal ang proseso bago makapagtapos.

3) Sakaling hindi nawalan ng trabaho pero gustong makapag-aral, isa pang posibleng pantustos ay ang lumapit sa pinuno ng pinaglilingkurang opisina at hilingin kung maaari kang bigyan ng scholarship. Kung maganda ang record sa kumpanya at lubhang mahalaga ang trabahong ginagawa, maaaring pagbigyan ang pagnanais na madagdagan ang kaalaman at kasanayan.Posible ang sistemang tuition reimbursement pero maaaring kaakibat nito ay dapat tiyakin na hindi hahanap ng ibang trabaho pagkatapos makapag-aral o kailangang mangako sa kumpanya na mananatili sa kanila ng ilang taon pa matapos ang pag-aaral.

Huwag kalimutang dahil may karanasan na sa pagtatrabaho, magandang hingin ng payo ang mga naging amo, kaopisina o pati na rin ang mga naging tauhan. Makakatulong ito para mapabilis ang katuparan ng iyong inaasam na pagtatapos sa pag-aaral.

Dahil napagpasyahang magtapos ng pag-aaral habang may panahon pa, kalaunan ay makikita ang kabutihang dulot ng ganitong desisyon dahil magagamit mo ito para magkaroon ng pagkakataong makahanap ng mas magandang trabaho o mas mataas na sahod.

- Easy Money (Bulgar) ni Francisco J.Colayco


Labels:

Comments

Post a Comment

Popular posts from this blog

Tips Para Malaman Kung Cancerous Ang Nunal (MOLE)

By
Paano ba malaman kung ang nunal (mole) ay cancerous o hindi? Ang mga benign na nunal ay maliliit lamang at wala pang 5 milimetro. Kitang-kita ang hangganan o border nito. Iisa lamang ang kulay at pwedeng light brown. Kadalasan ay tulad din ito ng iba pang nunal sa katawan ( sa sukat at kulay). Mas mainam po kasi kung hindi ito magbabago ng kulay o laki sa paglipas ng maraming taon. Ang mga suspicious o cancerous mole naman ay 'yung irregular ang border, hindi pantay at hindi malinaw ang hangganan na para bang ang kulay nito ay kumakalat sa katabing balat. Maaaring medyo nakaalsa ang isang bahagi ng nunal at flat ang kalahati. Ang pabago-bagong kulay ng nunal ay nakakaduda. Normally, ang mga nunal natin sa katawan ay flat, maliit at kulay brown sa unang dekada ng ating buhay. Sa katagalan ang mga nunal na ito ay lumalaki at umaalsa. Lumalaki at umiitim ito sa sandaling pagbubuntis. Ang mga normal na nunal ay dapat na malinaw ang border, pantay ang magkabilang panig at ma...
Post a Comment
Read more

Iba Pang Kaalaman Tungkol Sa Genital Herpes

By
Ang artikulong mababasa sa baba ay mula sa pahayagang Bulgar sa kolum na Sabi ni Doc ni Shane Ludovice M.D. Ito ay tungkol sa nararanasan ng isang babae tungkol sa pagtutubig ng kanyang ari na tila pabalik-balik. Ano kaya ito? Sabi ni Doc, maaaring genital herpes ang nararanasan ng babae. Ito ay dala ng virus na Herpes Simplex. Maaari itong makuha sa pakikipagtalik sa pwerta, puwit, o oral s&x o pagdikit sa sugat ng taong impektado. Sa genital herpes, nakakakita ng mga butlig na may tubig na parang pasa o sugat sa dakong ari at ito ay makati, mahapdi o masakit. Paminsa-minsan ay nakararanas din ng masakit na pag-ihi o kaya ay nakararamdam ang pasyente na parang may trangkaso. Ang nasabing virus ay maaaring magpabalik-balik. Ngunit sa paglipas ng panahon, nababawasan at dumadalang na ang tindi ng atake nito hanggang tuluyan nang huminto ang atake ng herpes. May mga gamot na klasipikadong anti-herpes pero ang ginagawa lamang nito ay pabilisin ang proseso ng paggaling ng suga...
Post a Comment
Read more

Gonorrhea: SANHI AT LUNAS SA TULO NG BABAE

By
ANG gonorrhea o tulo ang pinaka-common na venereal disease na nakukuha sa pakikipagtalik sa isang taong impektado nito. Neisseria gonorrhea ang organismong may dala at higit na tinitira ng organismong ito ang daanan ng ihi o urethra o kaya ay ang kuwelyo ng matris sa babae. Kahit babae ay nagkakaroon talaga ng tulo. Sa lalaking may tulo, kakikitaan ito ng sintomas tulad ng lumalabas na nana sa ari nito, hirap at masakit na pagihi, tatlo hanggang anim na oras matapos makipagtalik sa impektadong kapartner. Sa babae namang may tulo, karaniwang asymptomatic at halos 80% ng babaeng may tulo ay walang sintomas o parang walang impeksiyon at bumibilang muna ng maraming buwan bago ito mapansin sa babae. Sila mismo ay hindi alam na may impeksiyon na sila sa katawan. Gayunman, mapapansin na may lumalabas minsan na medyo greenish-yellow discharge mula sa cervix at bukod ditto, puwedeng mag-complain ang pasyente ng pananakit ng katawan o paninigas ng kalamnan, matinding sakit n...
74 comments
Read more