Work Tips: Paano Ma Enjoy Ang Trabaho

PARANG lalo yatang nakakabagabag ang araw-araw na balita na 'di gumaganda ang takbo ng ekonomiya.Hindi matiyak kung may pag-asa pa ang mga empleyado na makaahon sa kanilang kabuhayan dahil mababa ang sahod at kung minsan ay nagbabawas ng tao ang isang kumpanya, nababawasan na rin ang mga benepisyo at iba't-ibang kailangan ng mga trabahador.'Ika nga, sabi ng mga eksperto, paminsan-minsan, dapat ang kumpanya ay nagbibigay ng gantimpala at mabubuting salita sa kanilang mga tauhan upang sumipag ang mga ito sa kanilang trabaho at magkaroon sila ng sapat na motibasyon sa kabila ng hindi maayos na ekonomiya.

1. DIREKTANG POKUS. Ang pagrereklamo hinggil sa ekonomiya o ang kumpanya ay 'di nakagaganda sa pakiramdam ng isang empleyado at 'di nakasisigla ng kanilang espiritu sa pagtatrabaho. Sa halip, direkta ang kanilang pokus kung paano sila magtatrabaho at kung paano sila magtrabaho upang maabot nila ang layunin at mapunuan ang kanilang obligasyon.

2. MAGING MATAPAT. Hindi ka man transparent sa kanila, pero maging matapat ka hinggil sa kalagayan ng kumpanya lalo na kung umuunlad o nalulugi na ito. May karapatan ang bawat empleyado na malaman at dapat na updated sila sa anumang sirkumstansya o kalagayan ng kumpanya lalo na kung direkta silang apektado. Gayunman, sa halip na isa-isahin ang katotohanan na ang isang negosyo ay hindi maganda ang takbo, direktang ituon sa integridad ng kumpanya at kung paanong ang procedure at proseso ay mapag-iibayo at maging episyente sa panahon ng taghirap.

3. ITURING SILANG ISANG PAMILYA. Suportahan ang anumang social clubs na kanilang itataguyod, intramural sports teams at iba ang aktibidad na lalahukan ng mga empleyado upang lumakas ang relasyon at hikayatin sila na magtulungan at pagtiwalaan ang bawat isa.

4. IPAKITA ANG KATAPATAN. Kung ang kumpanya ay nasa balag na ng layoffs, pag-usapan sa iba't-ibang departamento at paraan ng mga empleyado na maaaring maiwasan. Sa pagbibigay ng oportunidad, lahat ng empleyado ay may kani-kaniyang kakayahan na mapanatiling maayos at mapagbuti ang trabaho.

5. PAKINGGAN ANG HINAING NG MGA EMPLEYADO. Magkaroon ng pagtatanong sa mga empleyado hinggil sa kanilang trabaho. Bukod sa pangangailangan sa salapi, tanungin sila kung paano pa nila mapapabuti ang kanilang trabaho at kung ano ang hindi nila gusto sa naturang trabaho. Isulat na lamang ito sa isang papel at hindi na pangangalanan at prangkang magbigay ng feedback upang umibayo ang kumpanya at ganahan sila sa pagtatrabaho.

6. MAGKAROON NG OPEN DOOR POLICY. Kailangang pakinggan silang mabuti pagdating sa mga reklamo, mga katanungan at malasakit ng empleyado. Walang sinuman ang nais na magtrabaho sa isang tao na ramdam nilang hindi sila nauunawaan at ang pinakamasama pa ay walang pakialam.

7. MAGDAOS NG TAUNANG X-MAS PARTY. Noong mga nakaraan, nabalitaan natin na halos ang ibang kumpanya ay hindi na nagdaraos ng Christmas Party dahil sa pagtitipid. Kapag ginawa ito, naghahatid ito ng pagkadismaya sa empleyado at iisipin nila na wala nang patutunguhan ang lahat ng ito. Maraming paraan para makatipid ng pera nang hindi kailangang magkansela ng anuman, halimbawa, puwede namang idaos ang party sa mismong opisina o isang recreational center kung saan puwedeng atasan ang mga empleyado na mag-contribute ng kanilang paboritong pagkain. Sa bahay o sa anumang recreational center.

8. BIGYAN SILA NG EKSTRANG ORAS NA MAKAPAG-OFF. Hindi mo man mabigyan ang iyong mga empleyado ng dagdag na sahod at bonuses, bigyan sila ng ekstrang araw na makapag-off nang hindi nababawasan ang bayad sa araw na iyon. Payagan sila na ilang ekstrang araw na bakasyon o payagan sila na mag-off matapos mag stress sa isang mabigat na trabaho. Hindi naman direktang bibigyan mo ng pera ang empleyado para maramdaman nila ang kaginhawaan.

9. LIBRENG TANGHALIAN. Konsiderahin ang pagbibigay ng libreng tanghalian kahit isang beses sa isang linggo. Iyong isang simple at mura lamang na parang kanin at gulay para madama nila ang importansya ng teamwork.

- (Bulgar) ni Nympha Miano - Ang

Tips Para Malaman Kung Cancerous Ang Nunal (MOLE)

Paano ba malaman kung ang nunal (mole) ay cancerous o hindi? Ang mga benign na nunal ay maliliit lamang at wala pang 5 milimetro. Kitang-kita ang hangganan o border nito. Iisa lamang ang kulay at pwedeng light brown. Kadalasan ay tulad din ito ng iba pang nunal sa katawan ( sa sukat at kulay). Mas mainam po kasi kung hindi ito magbabago ng kulay o laki sa paglipas ng maraming taon. Ang mga suspicious o cancerous mole naman ay 'yung irregular ang border, hindi pantay at hindi malinaw ang hangganan na para bang ang kulay nito ay kumakalat sa katabing balat. Maaaring medyo nakaalsa ang isang bahagi ng nunal at flat ang kalahati. Ang pabago-bagong kulay ng nunal ay nakakaduda. Normally, ang mga nunal natin sa katawan ay flat, maliit at kulay brown sa unang dekada ng ating buhay. Sa katagalan ang mga nunal na ito ay lumalaki at umaalsa. Lumalaki at umiitim ito sa sandaling pagbubuntis. Ang mga normal na nunal ay dapat na malinaw ang border, pantay ang magkabilang panig at ma...

Iba Pang Kaalaman Tungkol Sa Genital Herpes

Ang artikulong mababasa sa baba ay mula sa pahayagang Bulgar sa kolum na Sabi ni Doc ni Shane Ludovice M.D. Ito ay tungkol sa nararanasan ng isang babae tungkol sa pagtutubig ng kanyang ari na tila pabalik-balik. Ano kaya ito? Sabi ni Doc, maaaring genital herpes ang nararanasan ng babae. Ito ay dala ng virus na Herpes Simplex. Maaari itong makuha sa pakikipagtalik sa pwerta, puwit, o oral s&x o pagdikit sa sugat ng taong impektado. Sa genital herpes, nakakakita ng mga butlig na may tubig na parang pasa o sugat sa dakong ari at ito ay makati, mahapdi o masakit. Paminsa-minsan ay nakararanas din ng masakit na pag-ihi o kaya ay nakararamdam ang pasyente na parang may trangkaso. Ang nasabing virus ay maaaring magpabalik-balik. Ngunit sa paglipas ng panahon, nababawasan at dumadalang na ang tindi ng atake nito hanggang tuluyan nang huminto ang atake ng herpes. May mga gamot na klasipikadong anti-herpes pero ang ginagawa lamang nito ay pabilisin ang proseso ng paggaling ng suga...

Gonorrhea: SANHI AT LUNAS SA TULO NG BABAE

ANG gonorrhea o tulo ang pinaka-common na venereal disease na nakukuha sa pakikipagtalik sa isang taong impektado nito. Neisseria gonorrhea ang organismong may dala at higit na tinitira ng organismong ito ang daanan ng ihi o urethra o kaya ay ang kuwelyo ng matris sa babae. Kahit babae ay nagkakaroon talaga ng tulo. Sa lalaking may tulo, kakikitaan ito ng sintomas tulad ng lumalabas na nana sa ari nito, hirap at masakit na pagihi, tatlo hanggang anim na oras matapos makipagtalik sa impektadong kapartner. Sa babae namang may tulo, karaniwang asymptomatic at halos 80% ng babaeng may tulo ay walang sintomas o parang walang impeksiyon at bumibilang muna ng maraming buwan bago ito mapansin sa babae. Sila mismo ay hindi alam na may impeksiyon na sila sa katawan. Gayunman, mapapansin na may lumalabas minsan na medyo greenish-yellow discharge mula sa cervix at bukod ditto, puwedeng mag-complain ang pasyente ng pananakit ng katawan o paninigas ng kalamnan, matinding sakit n...

TiPs ni KaTotO

Search This Blog