Ang Panganib Na Dulot Ng Diet Soda

Ikaw ba ay mahilig sa pag-inom ng diet soda sa pag-aakalang makatutulong ito sa iyong pagda-diet? Alam ninyo bang walang nutrisyon na makukuha mula rito.

Ang mga manufacturer ng diet soda ay naglabas ng mga label na “low sugar” o “zero sugar” sa kanilang mga soda para daw sa kalusugan at mag-enganyo sa tao na magpatuloy na uminom ng diet soda. Pero ayon sa report ng Fit Sugar, kahit pa ang lakip ng mga ito ay sugar-free ay nagdudulot pa rin ito ng panganib sa ating kalusugan. May masamang epekto pa rin ito sa katawan ng tao.

Base sa pagsasaliksik, ang pagkonsumo ng diet soda ay nagpapataas ng tsansa na magkaroon ang isang tao ng heart attack at stroke ng 44 poryento.

Ang laman na artificial sweetener ng mga diet soda bagamat wala itong calories ay dahilan pa rin kung bakit gutom ka pa rin at ito ay mag-reresulta lamang sa labis na pagkain at syempre ito ang magiging dahilan ng labis mong pagtaba. Bagamat sinasabing ang artificial sweetener ay hindi mapanganib kapag hindi labis ang pagkonsumo nito, pero tulad ng aspartame na isang artificial sweetener ay dahilan ng sakit sa ulo at migraine. May mga artificial sweetener naman tulad ng acesulfame K ay nagdudulot ng nausea at malaki ang tsansa mo na magka-cancer.

Kung ikaw ay nag-didiyeta at isinasama ang diet soda sa iyong listahan ay maaari kang magka-diabetes.

Ang laman naman nitong caffeine ay magdudulot lamang sa iyo ng pagka-tensyon, pagtaas ng blood pressure, resulta ng problema sa pagtulog, at pwede ring magresulta sa osteoporosis. Bukod pa riyan, dulot din nito’y dehydration kaya kaysa sa diet soda mainam na subukan mo na lang uminom ng mineral water, seltzer o anumang tsaa na walang calorie.

Matapos mong mabasa ang mga panganib na dulot ng diet soda? Magiging paborito mo pa rin kaya ito?

Source: medicmagic dot net