Paano Makakaiwas Manakawan Ang Tourist Abroad?

First time mo bang mag-travel abroad bilang isang turista? Maganda iyan, karagdagan iyan sa experience mo at ito ay magiging bahagi na ng iyong alaala. Kaya naman, dapat ay maging memorable ito sa iyo. Ngunit hindi maiiwasan na may mga lugar kung saan maraming krimen ang nagaganap tulad ng pagnanakaw. Kaya naman, naisip naming ibahagi ang tips na ito sa inyo mga katoto para makaiwas kayo na manakawan habang kayo ay nagtuturista abroad.

Tips For Tourist When They Travel Abroad

Learn to investigate. Bago ka magsimulang magbiyahe o mangibang-bansa, imbestigahang mabuti ang mga lugar na peligroso sa bansang pupuntahan. Iwasan ang mga lugar na mababatid mong delikadong puntahan at mataas ang antas ng krimen.

Learn where to put your important belongings. Kung bibiyahe sakay ng bus o maglalakad, ilagay ang mga mahahalagang bagay sa isang pouch na nakasilid sa loob ng iyong damit o loob ng jacket. Kailangang nakatago ito parati na hindi ka nakikita ng mga magnanakaw para hindi ka mapag-isipang biktimahin.

Stay calm. Kung mapapadaan ka sa lugar na medyo delikado, tiyakin na hindi mo ipakikitang natatakot o ninenerbiyos ka dahil higit na lalakas ang loob ng mga kriminal sa akto mo. Bilisan mo na makalayo sa lugar kung maaari hangga’t may ligtas na lugar kang malulusutan.

Don’t bring jewelries or expensive gadgets if not necessary. Tiyaking hindi ka magdadala ng anumang hindi kailangang mga gamit habang nasa biyahe o iyong kaakit-akit na agawin sa iyo. Huwag ka ring aarte o pupustura na akala mo ay mayaman na kuntodo alahas ka pa at kumikinang. Kailangang simple ka lang sa lahat mula sa pananamit hanggang sa mga bag at sapatos mo. Huwag gagamit ng mamahaling mga bagay sa katawan.

Don’t show your money. Huwag na huwag dudukot ng malaking halaga o magpapakita ng maraming pera habang nasa kalye o ang maglabas ng mga mahahalagang kagamitan tulad ng video camera. Laging isilid sa harap ng katawan ang mahahalagang gamit tulad ng wallet at cellphone at huwag iwanan ang bag kung saan-saan nang walang bantay.

Source: bulgar credits to: Nympha Miano Ang