Tips Para Gamutin Ang Prostate Cancer Gamit Ang Hot Needle

Pinainit na Karayom (Hot Needle): Bagong paraan daw ito sa paggamot sa prostate cancer? Totoo ba ito?

Prostate Cancer 

Iba ang dating diskarte ng mga kalalakihan pagdating sa pagtanggap sa katotohanan at pakikipaglaban sa iba't ibang uri ng sakit kumpara sa mga kababaihan. Nariyang sa kabila ng pagkakaalam nila sa katotohanan o resulta ng kanilang kalusugan ay manatili o wala silang ipinagbago. Samantala, ang iba ay tila napanghihinaan ng loob at nawawalan na ng pag-asa na gagaling pa sa kanyang sakit at mabubuhay pa ng mas maraming taon kasama ang pamilya at mga kaibigan.

Hindi basta-basta mababakas sa kanila ang pagkakaroon ng dinaramdam o iniindang sakit sa kanilang katawan gawa ng pagiging tipikal nilang tahimik at malihim lalo na at sa tingin nilang makababawas ito sa kanilang pagiging macho.

Mangyayari namang nagiging malala ang kondisyon ng kalusugan kapag panay ang isip, puro negatibong kaisipan at hindi sumusunod sa bilin ng doktor at tamang gamutan.

Mahirap man para sa mga lalaki na iwan o iwasan ang kanilang bisyo o mga kinagaiwan na bahagyang nakasasama sa kanila ay kailangan nilang mag-adjust o unti-unti itong simulan at kasanayan dahil para rin ito sa sarili nilang kapakanan o kaligtasan.

Makabagong uri ng device ang siyang naisip ng mga surgeon para maging kasagutan sa matagumpay na paglaban sa sakit na prostate cancer sa mga lalaki at maka-iwas sa peligro ng pagka-impotent.

Ito ay matapos madiskubre ang hot needle o pinainit na karayom mula sa mataas na temperatura at siyang luluto o papatay sa mga cancer cell sa maselang parte ng lalaki.

Mataas o high temperature ang siyang itinuturong solusyon sa paglaban sa sakit na nagmumula sa prostate gland habang iiwan nitong ligtas, malusog at walang bakas ang mga healthy tissue sa paligid.

Kinakailangan na ito ay fine needle o karayom lamang na hindi hihigit 2mm across ang pinapayagan o hinahayaang ma-destroy na parte ng prostate cancer na mas kilala na high intensity focused ultrasound na mas mahina naman sa gamit na radio-frequency ablation treatment at iba pa. Dagdag pa sa magandang benepisyo ng naturang treatment ay ang pagbawas ng side effect o posibleng pagkaranas ng bowel function, impotence at incontinence sa mga lalaki.

Matapos isagawa ang trial sa naturang technique kung saan nasa 600 lalaki na nadetect sa pagkakaroon ng early -stage prostate cancer ang naging participant nito.

Tinatayang ito ang karaniwang cancer na tumutubo sa mga lalaki na may statistic na isa bawat apat na lalaki ang puwedeng ma-diagnosed o magpositibo rito na sa UK ay mayroong 40,000 kaso nito kada taon habang  nasa 10,000 bilang ng kamatayan dahil dito. Itinuturing nilang highly effective ang treatment na ito na bukod sa walang side effect sa nerves na kadalasang nada-damaged sa mismong procedure ay matatawag na focused therapy na gagamit ng high energy waves ngunit sapat na para sumira sa prostate cancer at makaiwas naman na maapektuhan ang malusog na cell at balat. Gamit ang electric current na nagdye-generate ng init sa dulo ng needle-like-electrode ay ilalapat ito sa tumor na unti-unting papatay sa mga cancer tissue sa area o tip ng naturang device na piling mga surgeon, eksperto o specialist lamang sa medisina ang maaari at may kakayahang isagawa ito. source: Bulgar Tabloid isinulat ni Icee Reen L. Abereno




Like mo ba ang Tips Upang Magamot ang Prostate Cancer Gamit ang Hot Needle  Share na Katoto