Tips Sa Paggawa Ng Yema

Paborito ng pinoy ang matamis na Yema. Lalo na’t kapag umay sa kinain na tanghalian, ito ang masarap na pamutat. Kung ikaw naman ay naghahanap ng ekstrang pagkakakitaan, ang paggawa ng yema at pagtitinda nito ay isang magandang opurtunidad para ikaw ay kumita. Patok itong sideline lalo na’t ikaw ay maraming ka-opisina, o estudyanteng naghahanap ng extra income para may pang tustos ng tuition fee. Here are the ingredients and procedures on how to make Yema:

Sa ingredients, ito ang mga kailangan natin:

Anim na pula ng itlog

1 lata ng kondensada (396 g)

1 teaspoon ng vanilla essence

200 g ng asukal

Kakailangan rin natin syempre pa ng pampabalot. Kaya’t dapat mayroon din tayong iba’t ibang kulay ng cellophane paper, gupitin ito ng parisukat, mga 10x10 cm ang sukat. Gagamitin itong pang-wrap sa yema.

O hayan, ngayong mayroon na tayong mga sangkap sa paggawa ng yema. Simulan na natin itong gawin:

Una, gamit ang isang malaking palayok, paghaluin ang pula ng itlog, kondensada,at vanilla. Kailangan ay maigi ang pagkahalo nito

Pangalawa, pakuluan ito, dapat ay mahina lang ang apoy para maiwasan ang pagkasunog. Haluin ng dahan dahan.

Pagkatapos, kung nakikita mo ng pwede na itong bilugin ay palamigin na ito. Kapag malamig na, Bilugin mo na ito na may sukat na 2 to 3 cm in diameter.

Gamit naman ang isang maliit na palayok, gawing minatamis ang asukal (caramelized) sa mababang apoy hanggang sa ito ay malusaw.

Ihulog isa-isa ang binilog sa maliit na palayok na ito para mababad sa ginawang caramel. Kapag balot na ito ng caramel, isa-isa mo na itong ihango gamit ang toothpick. Itabi at palamigin na.

Pagkatapos lumamig, ay pwede mo na itong ibalot sa makukulay na cellophane.

Web source: Businessdiary