Sabi sa pagsasaliksik, maaawat ang teenager sa kanyang pagpapakamatay o suicide kung lagi siyang gumagamit ng FB, Twitter, at kung anu-ano pang social networking sites.
Wala naman 'yang ginawa kundi mag-fb at mag-twitter, ito ang kalimitang reklamo ng mga magulang sa kanilang anak, sabay iling. Kung minsan kasi dahil sa maghapon nilang pagbababad sa computer ay nakalilimutan na nilang mag-aral.
Kaya kalimitan ay nagsisipagbababaan ang kanilang mga grado. Ngunit kahit ganun, may kabutihan pa ring dulot ang FB o Twitter. Sa pamamagitan nito ay hindi na maiisipan ng teenager ang mag-suicide.
Alam na alam natin na sa pamamagitan ng social media sites ay nagagawa nating mailabas ang galit at sama ng loob maging ang ating mga kabiguan.
Sa pamamagitan nito ay mababawasan ang paghihirap ng kalooban natin. 'Yun nga lang kapag sobra na ang sakit na nararamdaman natin, hindi na maiwasan pa na maisipan ang mag-suicide.
Kung minsan ay sobra tayong emosyunal na pakiramdam natin ay hindi na masosolusyonan ang problema. Kaya naman, ibig na lang natin itong takasan.
At kung minsan ang pagpapakamatay na lang ang naiisip na solusyon.
Sa pag-aaral na isinagawa ng mga mananaliksik sa Ohio State University sa Colombus U.S, ang paggamit ng social media sites ay nakatutulong para mabago ang isip ng isang teenager na mag-SUICIDE.
Dahil magagawa mong maisigaw sa wall mo ang iyong nararamdamang galit, sakit at ang plano mong pagpapakamatay, siguradong maramig magco-comment sa iyong post.
Karamihan sa mga ito ay magsasabing walang mangyayari kung sasayangin mo ang buhay sa isang walang kwentang problema. Ang karaniwan namang problema ng teenagers ay lovelife, financial at family problem kaya agad siyang mapapayuhan ng mga friends niya sa social networking site, sigurado na unti-unti siyang makakaramdam ng paglilinaw ng isip.
Kaya makabubuti rin na naibubulalas ng isang teenager ang kanyang nararamdaman.
At least sa pamamagitan nito ay malaman natin na mayroong taong kapamilya o kaibigan na may matinding pinagdaraanan.
source: Bulgar credits to: Ria Gonzales
image source: choosehelp.com
Comments
Post a Comment