Tips Kapag May Baha ( Flash Floods )

Ang pagbaha ay maaaring mag-develop sa loob ng ilang oras kaya maaari ka pang makapaghanda. Subalit, minuto lang ang kailangan ng flash floods na maaaring makasira ng inyong tahanan o kumuha ng buhay. Heto ang ilang tips para makapaghanda kapag may baha.

1. Alamin kung ang lupang kinatitirikan ng inyong bahay o pinagtatrabahuan ay bahain.
2. Antabayanan ang mga impormasyong makukuha sa radyo.
3. Magkaroon ng emergency supply kit at itago ito sa lugar na madaling makuha ng bawat myembro ng pamilya. 
4. Gumawa ng evacuation procedure kasama ang buong pamilya.
5. Gumawa rin ng communication plan kung sakaling dumating kayo sa puntong kailangan ninyong maghiwa-hiwalay sa kasagsagan ng evacuation.
6. Alamin kung saan kayo maaaring magpunta kung kailangan ninyong marating ang mataas na lugar sa pamamagitan ng paglalakad. 
7. Kung may sasakyan ka, tiyaking mayroon kang sapat na gasolina. Gagamitin ninyo ito sa paglikas. Mag-expect na sa panahong ito ay mabigat ang trapiko.

Mga Dapat Gawin Kapag Bumaha

1. Makinig sa radyo o manood ng TV para sa ilang impormasyon at instructions 
2. Kung kayo ay inatasang mag-evacuate, kunin ang mga mahahalagang bagay, patayin ang gas, elektrisidad at tubig at tanggalin sa pagkakasalaksak ang lahat ng mga appliance, gayundin na sundin ang tamang evacuation procedure. 
3. Kung hindi naman kayo inaatasang mag-evacuate, manatiling nakaantabay pa rin sa radyo at TV at makinig sa mga instructions. Maghanda sa pag-evacuate sa isang shelter o sa inyong kapitbahay kung sakaling pinasok na ng baha ang inyong lugar. 
4. Humingi ng tulong

Mga Dapat Gawin Pagkatapos ng Baha

1. Makinig sa news report para makasiguro na ang water supplies ay hindi kontaminado.
2. Huwag lumusong sa baha.
3. Maging aware sa mga bumagsak na linya ng kuryente
4. Iwasan ang mga daan na binaha dahil maaari itong mag-collapse.
5. Mag-ingat sa pagpasok sa mga gusali at tahanan na binaha dahil maaaring may mga damage ang mga ito na hindi pa nakikita.
6. Mag-linis at mag-disinfect ng mga bagay o kagamitan na nalunod sa baha dahil maaari itong magkontamina ng mga bakterya. 

source: Bulgar kolum ni Denise Visto

image source: Brisbanetimes.com.au