TiPs ni KaTotO

Alam ng karamihan sa atin na ang yoga ay nakatutulong sa paglaban sa stress, pagod at matinding sakit ng ulo. Bukod pa riyan, may paniniwala rin na ang yoga ay nakakatulong upang maging matalino ang isang tao. Pero may ilan sa atin na hindi pa rin alam ang magandang dulot ng yoga. Ang ilan sa kanila, mali ang paniniwala tungkol rito tulad ng mga sumusunod 1. Maling paniwalaan na kailangan na sexy ka o payat ka para makapag-yoga. Pinaliwanag ni Vyda Bielkus, isang yoga instructor sa Boston's Health Yoga Life na isang alibi lang o excuse ang pagsasabing kailangan mo ngang maging ganun para makapag-yoga. Kahit pa hindi perpekto ang hubog ng iyong katawan ay matututunan mo pa rin ang mga teknik ng yoga at madali mo itong maisasagawa lalo't kung regular mo itong gagawin bilang isang mainam na ehersisyo. Sa maikling panahon, magugulat ka na lang na kaya mo na palang abutin ang iyong hinlalaki sa paa ng walang kahirap-hirap. Ang mahalaga lamang ay sumunod sa panuto ng instructo...