Tips Para Umasenso Ang Iyong Catering

Sa ngayon, malaki na ang kompetisyon pagdating sa catering business. Kaya naman bilang may-ari ng ganitong klaseng negosyo ay dapat lawakan mo ang iyong isip sa mga bagong konsepto. Bakit hindi mo subukan ang Theme Catering – baka ito na ang paraan para umasenso ang iyong negosyo.

Ordinaryo na sa mga caterer ang paghahanda ng menu at pag-seserve ng mga pagkain para sa kanilang kliyente. Pero ang konsepto ng theme catering ay iba, sapagkat mula sa pagkaing lulutuin, paghahanda, pagseserve sa mga kakain ay sakop nito pati ang dekorasyon, musika na gagamitin para sa okasyon at anumang paghahanda na kinakailangan sa event.

Maraming theme ang pwede mong subukang i-offer sa iyong mga kliyente tulad ng Spanish town fiesta, Hawaiian luau party, o isang Moroccan theme wedding party.

Sa ganitong uri ng catering kinakailangan mong makipagtulungan din sa party planner ng event na iyong pagsisilbihan.

Sa pagkain madalas at paborito ng mga kliyente sa Pinas ang lutong pinoy, American, Chinese, Japanese, French,Italian, at Thai.

Napakaganda ng konseptong theme catering at tiyak na may laban ka na sa iyong mga ka-competisyon kapag lalo mong mapapagbuti ang konseptong ito.

Sa kabilang banda, hindi rin ganun kadali ang theme catering. Una na sa mga kahaharapin mo ay ang kamahalan ng mga sangkap ng pagkain dahil ang ilan dito ay kailangan mo pang i-import sa abroad na kakailanganin sa theme party at regular catering. Isa pang suliranin na kahaharapin mo ay ang man power. 

May mga pagkakataon na iyong magagaling at masisipag mong waiter at food service workers ay umaalis ng bansa para magtrabaho o mag-travel.

Para sa mga buwang matumal ang benta ay pwede mong babaan ang iyong singil o bigyan ng discount ang iyong mga suki at bagong kliyente.

Marami mang kinakaharap ang mga negosyanteng caterer ay isa pa rin sa mga itinuturing na matatag na negosyo ang catering. At kung susubukan mo ang konsepto ng theme catering ay mas ma-eenganyo ang iyong mga kliyenteng tumikim ng iyong pagkain at serbisyo.

Source: entrepreneur ph magazine