Networking: Ano Ang Magandang Salihan?

Marami na nga ang umunlad sa network marketing o mas kilala sa Pilipinas bilang "networking". Ito ay iyung kikita ka sa pagbebenta ng produkto o pag-iimbita ng mga taong sasali. Pero hindi rin lingid sa marami na 'di ganun kadali ang kumita sa negosyong ito. Kailangan mo ng tiyaga at tamang estratehiya para kumita. Kadalasan pa nga'y sinasabi nating scam ang mga ito kapag hindi tayo kumikita pero ang totoo tayo mismo ang nanloko sa ating sarili, dahil sumali lang tayo pero hindi kumilos. Kaya naman ang tanong ng marami, ano bang networking ang magandang salihan sa Pinas at madaling palaguin. Ito ang ilan sa mga dapat mong ikonsidera sa pagsali.

1. Madali bang ibenta ang produkto? O may produkto bang ibinebenta? Kung sasali ka sa networking ay kailangan mong isipin kung ano ang madali para sa iyo na ibenta. Sa pagsali sa isang networking, dapat maintindihan mong hindi ka kikita sa pag recruit lang ng tao, kailangan ay may produkto rin itong ibinebenta. 

2. Ang membership fee o entry fee sa pagsali ay kaya nang bulsa at dapat ay may kapalit itong mga item o produkto na pauna mong ibebenta sa iyong mga kakilala. 

3.Sa pagsali mo sa networking ay kailangan na mayroon itong magandang marketing structure. 

4 .Ang network marketing na dapat mong salihan ay kinakailangan mayroong online support para sa iyong mga katanungan.

5. At panghuli, mas malawak ang market ng isang network marketing na hindi pa gaano kilala sa iyong lugar. Mas bago, mas maraming tao kang ma-eenganyo na sumali.

Maraming networking ang naglipana ngayon. Mahalagang alam mo kung ano ang legal sa hindi kaya mabuting magsaliksik muna bago mamuhunan. Tignan mo kung ito ay naka-rehistro sa B.I.R, local na munisipyo, DTI at may mga kaukulang permit.

Huwag sali ng sali. Alamin mo rin kung ano bang networking ang bagay sa'yo at sa tingin mo ay kaya mong i-market. E-load, gamot, damit o anupaman iyan basta't gusto mo at may dedikasyon kang palaguin ito ay tiyak ang pag-asenso mo.