Skip to main content

Carinderia Business: Paano Magsimula at Kumita


Sa kabila ng malaking kompetisyon ng mga naglalakihang restaurant and food chain business sa Pilipinas ay hindi pa rin mawawala ang patok na negosyong Carinderia o Turo-Turo dito sa atin. Marami sa mga Pinoy ang pinipili pa ring kumain ng mga murang lutong bahay na inihahain sa ganito kesa magtungo at magbayad ng mahal sa mga fast food chain.


Kaya't kung nais mong magsimula ng maliit na negosyo. Isa ang Carinderia Business sa maaari mong pasukin. Ito ang ilan sa mga dapat mong ikonsidera kung nais mong mamuhunan sa ganitong negosyo:

  1. Puhunan. Kailangan na pasimulang kapital sa negosyong ito ay hindi bababa sa 15,000 pesos. Ang puhunan ay paiikutin mo sa loob ng isa o dalawang linggo. Ang perang ito ay ilalaan mo sa pagbili ng mga lulutuin, gamit pang kusina,  renta sa espasyo, at bayad sa permits. Mas maliit pa rito ang kailangan mong puhunan kung sa sariling bakuran mo sisimulan ang iyong karinderia.
  2. Gamit. Isa o dalawang mesa para sa iyong mga parokyano, espasyo na paglalagyan ng iyong gamit pang kusina tulad ng kalan,plato, kutsara, tinidor atbp. Maaari na ito para sa maliit na karinderia. 
  3. Tauhan. Sa simula, hindi mo kinakailangan na magpasok ng empleyado ngunit sa katagalan kapag lumago na ang iyong karinderia ay maglaan ng pondo para sa isa o higit pang empleyado na iyong papaswelduhin.
  4. Lokasyon. Isa sa ikatatagumpay ng karinderia ay ang pagpili ng lokasyon. Pumili ng lugar kung saan patok ang turo-turo. Maaaring pagtayuan ang mga lugar malapit sa mga public school, opisina, munisipyo, simbahan, ospital, sakayan ng jeep o pedicab. Basta't doon sa lugar na malapit sa masa. 
  5. Presyo. Tiyakin na ang presyo ng iyong mga ulam ay angkop sa budget ng iyong mga customer. Kung maaari ay bigyan ng discount ang mga suki. 
  6. Luto. Higit sa lahat, dapat na masarap ang iyong mga lutuin para balik-balikan ka ng iyong mga customer at hindi lang sila kundi pati na ang mga taong sinabihan nila sa iyung masarap na luto ay tutungo at kakain sa iyong maliit na karinderia. 
Kung hilig mo ang pagluluto ay hindi mahirap para sa iyo ang negosyong Karinderia. Tandaan, masarap na luto, tamang lokasyon at malasakit sa mga customer ang sikreto ng tagumpay sa negosyong ito. 

source: businessdiary dot com dot ph



Comments

  1. Thank you sa napaka magandang tips

    ReplyDelete
  2. Salamat sa magandang tips..kaya kailangang makapag umpisa na..bilang isang ofw..

    ReplyDelete

Post a Comment

Popular posts from this blog

Tips Para Mawala Ang Sinok (HICCUP)

Hindi kaaya-aya sa pakiramdam ang sinukin (HICCUP) lalo’t nasa harap ka ng isang importanteng meeting o di kaya nama’y first time mong maka-date ang iyong nililigawan. Paano ba mawala ang sinok? Heto ang ilang tips para mawala ang ganitong pakiramdam. Pigilan mo ang iyong paghinga hangga’t sa makakaya mong gawin ito. Takpan mo ng iyong mga daliri ang iyong magkabilang tenga at malumanay na pisilin matapos ang ilang minuto. Yumuko sa baywang at uminom ng tubig habang nasa ganoong posisyon. Kumain ng luya. Sumipsip ng hiniwang kalamansi o lemon. Lumagok ng isang kutsaritang suka Mahigpit na takpan ng paper bag ang iyong bibig. Pagkatapos ay huminga at bumuga ng hangin sa loob ng paper bag. Lumunok ng isang kutsaritang asukal at pagkatapos ay uminom ng tubig. Magpuno ng tasa ng tsaa mga hanggang 2/3 ang pagkapuno. Sunod ay maglagay ng nakasaliwang kutsarita. (i.e ang hawakan sa tasa) at uminom ng normal. Magiging abala ka sa kutsara na huwag malaglag sa tasa habang ikaw ay umii

Pamahiin Tungkol Sa Kasal (WEDDING SUPERSTITION)

Punumpuno ng mga superstitious beliefs ang mga pinoy tungkol sa kasal (wedding). Kahit na moderno ang panahon ngayon, marami pa rin ang naniniwala sa mga pamahiin wala man itong lohikal na paliwanag o syentipikong eksplanasyon. Nandun pa rin kasi sa atin 'yung pag-uugali na wala namang masama kung maniniwala kaya kahit ipagpilitan pa ng iyong lolo na ito ay coincident lamang, hindi pa rin ito mawala-wala. Magkagayunpaman, hindi mahalaga ang mga ito. Ang mahalaga ay punumpuno ng pagmamahalaan ang mag-asawa, nagtitiwala at may commitment sa isa't-isa at ang kanilang paniniwala sa basbas ng Diyos na sila ay pinagsama upang maging maligaya habambuhay. Anu't-anuman, narito ang ilang paniniwala na sinusunod magpahanggang ngayon at mga hindi na dahil ang iba ay wala na sa hulog. Hindi dapat na isinusukat ng bride ang kanyang wedding dress bago ang kasal dahil baka hindi ito matuloy.  Ang kutsilyo o iba pang mga matutulis na bagay ay hindi dapat na ipinanreregalo sa ikakas

Seafood Allergy- Tips Kung Anong Dapat Gawin

Ang seafood allergy ay nararanasan ng isang tao kapag ito ay nakakain ng ilang klase ng isda o shellfish at dahil dito ay nagkaroon ito ng reaction sa kanilang immune system at nagdulot ng ilang sintomas ng allergic reaction (rash,hives,pangangati,pamamaga,pagsusuka,diarrhea,pananakit ng tiyan,hirap sa paghinga,pagbaba ng presyon at mawawalan ng malay) at ang seafood daw ay isa sa Top 8 na food allergen kumpara sa soy at milk allergies. Seafood Allergy -Tips On What to Do? Marami sa atin ang nagkaka-allergy sa seafood (shrimp,talaba,lobster,scallops,clams,crabs,squid) subalit, mas marami ang sa shrimp (hipon) at sinasabi na 40% ay may fish allergy (salmon,tuna) at 60% naman ay seafood allergy na nagsisimula sa adulthood. Ang pagkakaroon ng allergic reaction sa ilang muscle protein (tropomycin) na nasa seafood ay posibleng magdulot ng  "anaphylactic shock" kung saan ay biglang  baba ng blood pressure, namamanhid ang dibdib hanggang leeg, namamaga ang lalamunan at dah