Keyboarding Practice: Tips Para Bumilis Mag-Type

Ito ay email mula kay My Binondo Girl na humihingi ng payo tungkol sa Keyboarding Practice 

Maraming beses po akong hindi matanggap tanggap sa call center dahil po sa mabagal po akong mag type gamit ang pc keyboard. Iyun po pala ang isa sa mga requirement nila para makapasa. Dapat po kasi ay at least 30 words per minute o mataas pa ang makuha score. What should I do to increase my speed and accuracy on keyboarding? Any tips Katoto. Thanks

Keyboarding Practice

Tips Para Bumilis MagType at Maperpekto Ito

Maraming salamat My Binondo Girl sa iyong pagtangkilik. Tama ka, isang malaking factor para matanggap ka sa call center ang Typing Skill bukod sa dapat ay magaling ka rin sa komunikasyon sa wikang ingles. Ang trabaho kasing ito ay nangangailangan ng multi-tasking ability. Halimbawa: habang nagbibigay ng detalye ang iyong customer ay kailangan nai-ta type mo na ang mahahalagang impormasyon na kanyang ibinigay para maresolbahan mo ang kanyang inquiry. 

Mga katoto, ito ang ilang paraan para matutong maperpekto ang mabilis na pag ta-type sa pc keyboard. 

Mayroong specific arrangement ang mga daliri sa pc keyboard para makapag-type ng mabilis at tama. Para sa practice ay huwag mong tignan ang keyboard habang nagta-type kundi sa monitor o screen lamang. Subukan ding takpan ng dyaryo o anumang pang cover ang keyboard habang nakalapat ang iyong mga daliri sa keys. 

Ito ang larawan ng tamang arrangement ng mga daliri sa keyboard. 

from google image for illustration only

Makakatulong din ang ilan sa mga website na nag-offer ng free typing test gaya ng typingtest.com. Dito masusukat at ma momonitor mo ang iyong speed at accuracy. Maiging nakikita mo ang iyung score para malaman mo ang iyong improvement. Subukan mo muna ang easy round patungo sa mas advance na skill test. Madalas na gamitin din ng mga call center industry ang online typing test para makita ang iyung typing skills. 

At mayroon din namang mga tutorial centers na makatutulong ma-improve ang iyong typing skills. Kung may panahon at budget para rito ay subukan mong mag-enroll. Maiging may instructor ka na gagabay sa'yo at mag mo monitor sa iyong progreso para mabilis kang matuto. 

Malaking bagay nga ang dunong sa keyboarding at tanging practice ang kailangan para maging mabilis at magawa ito ng perperkto. Maraming oportunidad ang naghihintay sa mga marunong sa keyboarding hindi lang sa call center industry na talaga namang nangungunang trabaho sa pinas. Mayroon ding mga freelance job online na naghahanap ng mga typist, data entry workers, translators at iba pa na pwede mong pagkakitaan. 

Like this keyboarding practice tips? Like us on facebook.