5 Natural Antibiotic Laban Sa Bad Bacteria

Kung hindi madalas ang pag-reseta ng antibiotic sa iyo ng doktor ay hindi naman nangangahulugang gusto ka niyang magdusa ng matagal sa iyong sakit. Nagiging maingat lamang sila sa pagbibigay ng antibiotic para sa kanilang pasyente. Sapagkat ang modernong medisina at labis na gamutan sa nakalipas na mga dekada ay naging dahilan na rin upang ang bacteria ay makalaban sa bisa ng antibiotic.

Kung binigyan ka ng antibiotic, ibig sabihin lamang ay kailangan mong labanan ang impeksyon. Sa kabilang banda, kung di naman malala ang iyong sakit tulad ng pagkakaroon lamang ng ubo at sipon, may malaking benepisyong hatid ang iba’t ibang halamang gamot pati na rin mga masusustansyang pagkain upang palakasin ang immune system.

Heto ang lima sa mga natural na antibiotic para labanan ang bad bacteria:

Pulang sibuyas. Ang sulfur content mula sa sibuyas ay naglalaman ng diuretic at antibacterial substances. Isang mabisang expectorant para sa ubo ang syrup mula sa pulang sibuyas. Makatutulong itong alisin ang mucus at iba pang materyal sa ating baga. Pwede rin nitong pataas ang daloy ng dugo at protektahan ang katawan laban sa inflammation.

Bawang. Isang natural na antibiotic ito mula pa noon hanggang sa ngayon laban sa ubo at trangkaso. Ang allicin chemicals mula sa bawang ay nagdudulot ng matapang na lasa para rito ngunit nakapagbibigay naman ng therapeutic substances tulad ng pampatanggal ng sakit o paggamot sa karamdaman. May mga pag-aaral din na sinasabing ang bawang ay nakapagpapababa din ng kolesterol at presyon ng dugo. Higit ding mabisa rin ito sa food poisoning kumpara sa ibang medication.

Green Tea. Hindi man sapat ang antibiotic, napatunayang mas lalong magiging mabisa ito dahil sa green tea. Bukod sa may antioxidant ito na may hatid na benepisyo sa katawan, mababa rin ang caffeine content nito dahilan upang mas lalong maging epektibo ang antibiotic sa pagpuksa ng bacteria.

Honey. Mabisa ang honey sa mga sugat at impeksyon lalo na iyong Manuka Honey na mula sa mga bubuyog na makikita sa manuka plants na tanging sa New Zealand At Australia lamang makikita. Isang kilalang antibiotic din ang honey. Mayroon itong antimicrobial enzyme na pampaalis ng Hydrogen Peroxide. Pwede nitong pahintuin ang paglaganap ng bacteria at pwede rin itong luna sa internal at external bacterial infection kabilang na ang stomach ulcer.

Echinacea. Bilang isang plant extract, ito ay mabisa sa kagat ng mga insekto,bacteria at virus. Pinalalakas rin nito ang immune system upang mabilis na labanan ang impeksyon. Mahigit 58 porsyento ang baba ng panganib na magkaroon ka ng trangkaso sa pagkonsumo mo ng halamang gamot na ito. Kumain lamang nito sa loob ng ilang linggo sapagkat nababawasan din ang pagiging epektibo nito. Inumin mo ito’t lalo’t masama ang iyong pakiramdam sa panahon ng taglamig at pakiramdam mong humihina ang iyong resistensya.

Source: medicmagic.net