Vitamins – Mabisa Bang Panlaban Sa ACNE?

Bumababa ang tiwala sa sarili ng isang tao kapag ang mukha niya ay punum-puno ng malalaking tagyawat o acne kung tawagin sa ingles. Tampulan ng tukso ang mga taong may tagyawat na tinubuan ng mukha. Ngunit marami namang solusyon sa acne isa na rito ang paggamit ng bitamina o vitamins.

Maraming rason kung bakit nagkakaroon ng acne pero ang pinakadahilan ay ang hormonal imbalance kaya iyung mga babae na katatapos lang manganak pati na iyung mga babae sa kasalukuyan ng kanilang pagreregla ang siyang mga nagkakaroon ng acne. Kasama sa problema sa acne ang blackheads,pustules o pimple,seborrhea, papules, nodules at iba pang internal injuries sanhi ng sakit sa balat.

Gaya nga ng nabanggit, para lunasan ang acne, marami sa atin ang gumagamit ng vitamins. Pero ayon sa Buzzle, ay mayroon mang mabisang lunas ang bitamina sa pagpuksa ng acne ay dapat ikonsidera din na mayroon din itong mga kawalan.

Ito ang mga kalamangan ng bitamina:

Mas natural kasi ito kaysa sa ibang treatment at therapy.

Maliban sa bisa sa pagtanggal ng acne, may dagdag na nutrisyon din ito sa ating katawan.

Safe itong gawin at wala namang side effects.

Ito naman ang mga kawalan:

Ang paggamit ng bitamina ay kinakailangang nasa taming dami lamang dahil kung ikaw ay lalabis ay maaaring magbunsod lamang ito ng sobrang level ng bitamina sa katawan.

May katagalan bago mo makita ang resulta sa ganitong paraan ng pagpuksa sa acne.

Ang vitamins na panlunas sa acne ay pwedeng nasa uri ng kapsula, pills, tableta, o pamahid. O pwede mo rin naman itong gawin sa pamamagitan ng pagbabago sa iyong diet. Ang mga bitamina na iyong makokonsumo ay magbibigay ng nutrients na kailangan ng ating skin cell. Na ang ibig sabihin lang ay treatment para sa iyong acne. 

Ito ang ilan sa mga vitamin na panlaban sa malalaking tagyawat:

Vitamin A na siyang nag-a-activate ng genes sa ating skin cells na hindi nag-mature o kung tawagin ay keratinocytes para gawin itong adult na gene.

Vitamin C dahil sa antioxidant na nilalaman nito ay kaya nitong maghilom at bawasan ang mga free radical sa ating balat. Mas mabilis na gumagaling ang ating balat dahil sa bitamina na ito mula sa inflammation at makakaiwas ka rin sa blackheads.

Vitamin E ay tulad rin na isang antioxidant para makaiwas ka naman sa pagkakaroon ng scars, pagdami ng bacteria at iba pang reaksyon sa katawan.

Source: medicmagic.net