Para 'Di Turn Off Sa Girls Ang Amoy Mo (BODY ODOR)

Ang ating katawan ay kayang magbawas ng 1.5 na tubig sa isang normal na araw. Ngunit mas marami pa rito ang pwedeng mawala sa katawan kapag sobra ang init ng araw, mga hanggang 10 litro lang naman kada araw- kaya nagpapawis ng husto kapag mainit. Mainam ang pawis sapagkat sa pamamagitan nito ay nailalabas natin ang init sa ating katawan. Ngunit nagdudulot din ito ng masangsang na amoy dulot ng mga natural na bacteria sa ating balat kaya naman ito ay nauuwi kung minsan sa pagkakaroon ng body odour. At para sa kaalaman ng lahat, mas pwedeng magkaroon ng mabahong amoy ang mga lalake kaysa sa mga babae.

Hindi mo man kayang pigilan ang iyong pagpapawis ay kaya mo namang kontrolin ang pagkakaroon ng body odour para naman hindi turn-off sa girls ang amoy mo.

Uminom ng maraming tubig. Ang pagkonsumo ng sapat na dami ng tubig sa katawan ay makatutulong para hindi ka masyadong magpawis. Kaya masanay ka nang uminom ng tubig ngayon.

Gumamit ng anti-perspirant o deodorant. Liberal na gumamit ng mga ito para makontrol ang pagkakaroon ng body odor. Kung masyado kang pawisin lalo’t mainit ang panahon ay makabubuting lagi mo itong bitbit sa iyong bag. Pwede mo ring subukan ang paggamit ng talcum powder para hindi masyadong magpawis at maging fresh at mabango ang iyong katawan. Sabayan mo din ito ng paggamit ng cologne para mas maging mabango.

Kung labis na mainit ang panahon ay maigi ang pagkain na mayaman sa fiber at matubig. Iwasan ang pag-inom ng alcohol pati na rin mga pagkain na mamantika at mabigat sa tiyan sapagkat ang mga ito ay magdudulot lang ng labis na pagpapawis sa katawan.

Iwasan ang synthetic fibers. Mas mainam ang magsuot ng mga damit na yari sa cotton lalo’t kung mainit. Tumutulong itong makahigop ng pawis at may dulot na ginhawa sa pakiramdam. Labhan maigi ang damit at patuyuin. Kapag hindi masyadong natuyo ang damit ay maaaring mabuhay ang mga bacteria na nagdadala ng masangsang na amoy sa nilabhan.

Hindi mo kailangang maging gwapo o macho para ma-turn on sa’yo ang babae na iyong nililigawan. Kung minsan sa amoy pa lang ng iyong katawan ay panalo na sa kanila. Kaya’t maging malinis sa katawan para hindi turn-off ang girls sa amoy mo.

Source: tips4me.com