Sa modernong panahon ngayon, kung saan walang hinto ang mga bagong kaalaman at paglago ng iba’t-ibang impormasyon ay hindi maiiwasan na makaranas tayo ng brain fatigue kung saan madalas hirap na tayong makaalala ng mga mahahalagang impormasyon. Kaya naman ang mga estratehiya na makaalala tayo ng mga impormasyon na importante ay nagiging kritikal at kailangan.
Ayon sa mga psychologist ng University of Edinburgh,
Michaela Dewar na ang pagtulog ng mahimbing (relax sleep) ay nakatutulong para
labanan ang brain fatigue, isa itong paraan para mapabuti ang ating memorya.
Sinasabi nga sa ulat ng Live Journal na iyong simpleng
pagpikit mo ng sandali pagkatapos mong malaman ang isang impormasyon ay labis
na nakatutulong para hindi mo ito malimutan. Itong mga aktibidad gaya nito ay
may malaking epekto sa abilidad ng utak na magproseso ng mga impormasyon.
Gumamit si Dewar ng 33 matatanda, iyung nasa edad na 61 to 87 para sa isang halimbawa. Pinabasa niya
ang mga ito ng maiikling kwento at pagkatapos ay sinabi sa kanilang alalahanin
kung anuman ang mga bagay tungkol sa
kanilang binasa ang kaya nilang alalahanin.
Hinati sila sa dalawang grupo, ang unang grupo ay pinag-relax
at pinapikit ang mga mata habang sila ay gising. At ang ikalawang grupo naman
ay pinaglaro ng “hanapin ang pagkakaiba” gamit ang kompyuter. 10 minuto ang
binigay sa kanila para gawin ito.
Ang resulta ay mas labis na nakaalala ang unang grupo ng mga
detalye tungkol sa kanilang binasa kaysa sa pangalawa. Pinalipas pa ang isang lingo,
at pinatunayan nitong may recall pa rin sa unang grupo ang kanilang binasa
kaysa sa pangalawang grupo.
Pinaniniwalaan ng mga tagapagsaliksik na ang pagpapatatag sa
ating memorya gaya ng pagpikit ng 10 minuto, pagrelax o pagtulog ng mahimbing
ay nakatutulong sa ating utak na maiging magproseso at makaalala ng mga
impormasyon. Kapag walang aktibidad na nagpapatatag sa abilidad nating
makaalala ay mahihirapan tayong makapag-proseso ng mga bagong impormasyon.
Source: medicmagicdotnet
Comments
Post a Comment