Tips Sa Paggawa ng Bukayo

Isa sa paboritong minatamis ng mga Pinoy ang Bukayo. Ito ay gawa sa sariwang buko at hinaluan ng pulang asukal, ang resulta- isang masarap at matamis na pamutat.

Maganda rin itong ipang-regalo sa iyong mga kapamilya o kaibigan. Lalo na sa mga turista, kaya naman isa rin itong magandang extra income para sa mga naghahanap ng iba pang pagkakakitaan.

Ano-ano ang mga sangkap ng Bukayo:

2 piraso ng coconut, ginayad ang laman

Dahon ng pandan

1 kg ng pulang asukal

2 tablespoon ng vanilla extract

Sariwang sabaw ng buko

All purpose flour o cornstarch

Paano ito gagawin?

1. Ilaga ng magkasama ang sabaw ng buko, asukal na pula at dahon ng pandan hanggang sa matunaw ang asukal  at mangapal.
2. Idagdag ang vanilla extract. Tanggalin ang dahon ng pandan.
3. Lutuin ang ginadgad na coconut sa isang kawali na may kaunting mantika hanggang sa ito’y magkulay brown.
4. Magdagdag ng syrup at pakapalin gamit ang kaunting flour o cornstarch na tinunaw sa tubig
5. Patuloy na haluin hanggang ang syrup ay kumpletong kumapit sa graded coconut, kapag nangapal na ang mga pinaghalong sangkap at ang bukayo ay naluto na
6. Kapag luto na, ilipat ang bukayo sa isang mangkok. Ibilog ito habang mainit pa. Gumamit ng plastic wrap o wax paper para hindi ka mapaso sa mainit na mixture.

Paborito mo ba ang bukayo? Luto na at gawin mo na rin itong paraan para kumita ng extra pera.

Source: Businessdiary