Huwag mong maliitin ang bisa ng 2.5 x 3.5 piraso ng card na bitbit mo sa iyong wallet. Ang sinasabi ko ay iyong business card na madalas na ipagsawalang bahala sapagkat isa pa rin ito sa mabisang marketing tool para sa mga entrepreneur na gaya mo.
Iyong mga maliliit na impormasyon o detalye na nilalaman ng
iyong business card ay malaking bagay para sa iyong target na kliyente o mga
potensyal mong customer- sa pamamagitan
nito ay magkakaroon sila ng ideya kung ano ang ino-offer ng iyong kompanya.
Mas madali kang matatandaan ng mga prospect mo dahil sa malikhaing ideya na
naka-detalye sa iyong business card. Naka-depende rin sa kung paano mo
dinesenyo kung ito ay itatago o itatapon lang ng iyong pagbibigyan.
Ang business card ay hindi lang isang calling card, na
madalas ganito ang tawag ng ilan dito. Ito ay card kung san nagbibigay ito ng
detalye tungkol sa iyong negosyo.Ito ay maituturing na mini-corporate brochure
o mini-product brochure na puwede mong ilagay sa iyong wallet, purse, bulsa ng iyong damit kahit kailan,
kahit saan, puwede rin itong double purpose sa iyong prospect- puwede itong
maging wallet size ad o maging discount card.
Madali mo itong maibabahagi sa mga meeting o conference at
sinumang makatatanggap nito ay madali nilang mailalagay sa bulsa hindi tulad ng
leaflets, flyers o brochure.
Huwag kalimutan na ang iyong magandang business card ay dapat
maglaman ng mga mahahalagang impormasyon:
- Ang negosyong mayroon ka
- Ang serbisyong iyong inaalok
- Tag line
- Lokasyon ng iyong negosyo
- Litrato ng iyong produkto na inaalok
Karagdagan pa, pwede mong gamitin ang likod ng iyong card
para sa iba pang mahahalagang detalye tungkol sa iyong sarili, iyong kompanya
at produkto o serbisyo na iyong inaalok.
Source: entrepreneur ph magazine
Comments
Post a Comment