Tips Sa Pagluto Ng Mango Jam

Ang mango jam ay isang produkto tulad ng jelly na sugar-concentrated. Mapa-hilaw o hinog na mangga ay pwedeng gawing jam. Ang paggawa ng homemade mango jam ay isa ring magandang ideya sa pag-nenegosyo. Tunay ngang swak na negosyo ito lalo’t marunong kang i-market ang produkto mo. Maaari mo itong ibenta sa iyong mga kaibigan, kapitbahay, ka-opisina at pati na sa mga restoran, bazaar at food shops.

Interesado ka bang malaman kung paano ang pagluto ng mango jam? Heto ang tips para sa’yo:

Ito ang mga kailangang sangkap:

10 kilo ng hinog at hilaw na mangga

½ ng pinong asukal

1 kutsarita ng citric acid

Ito naman ang mga gagamitin natin sa pagluluto:

Kutsilyo

Sandok

Palanggana

Tasa na panukat/kutsara

Handa na ba ang iyong mga sangkap at kagamitan? Heto naman ang paraan para sa pagluto ng Mango Jam:

1. Hugasang maigi ang mga mangga para maalis ang dumi.
2. Hiwain ang mangga (tidbits)
3. Kunin ang laman ng mangga gamit ang kutsara
4. Kayurin ang sapal mula sa buto gamit ang kutsilyo. Masahin gamit ang tinidor. Sukatin.
5. Magdagdag ng sapat na dami ng asukal at haluing maigi.
6. Lutuin at patuloy na haluin.
7. Magdagdag ng 0.3 citric acid ( ito ay 1 at kalahating kutsarita para sa 4 at ¼ na tasa ng sapal ng mangga) kapag nangangapal na.
8. Patuloy na lutuin hanggang ang temperatura ay umabot sa 105 degree C.
9. Ibuhos ang mainit na jam sa sterilized na garapon at magiwan ng kaunting espasyo para sa pagtakip
10. Takpan maigi at palamigin.

Paborito mo ba ang mangga? Hanap mo ba ay iba pang pagkakakitaan ? I-mango jam business mo na yan katoto.

Source:  businessdiary.com.ph