Kumakain ka ba bago mag-exercise? O hindi? Maraming tanong o isyu tungkol sa kailangan ba nating kumain bago tayo mag-ehersisyo? O okay lang ba sa katawan natin na gawin ito ng gutom?
Ang alam ng ilan, mas makasusunog ng taba ang pag-eehersisyo
ng walang laman ang sikmura. Ito ay base sa kaisipan na kapag walang laman ang
ating tiyan ay magagawa nitong pasiglahin ang katawan na gamitin ang fats
bilang enerhiya. Sa kabilang dako, kapag tayo ay busog, ang katawan natin ay
maaaring maglabas muna ng glucose o carbohydrates sa ating tiyan bilang
enerhiya.
Totoo ba ito? Maaaring makatwiran ang kaalaman na ito.
Ngunit mayroon ding pag-aaral na ginawa na nagpapakita na walang benepisyong
hatid ang page-exercise ng gutom. Maaari pa itong maghatid ng masamang epekto
sa ating kalusugan.
Base sa pag-aaral na inilathala din ng isang Fitness Journal
sa Estados Unidos, ang pageehersisyo bago o pagkatapos kumain ay walang
kinalaman sa dami ng pagsusunog ng taba. – ayon sa Times of India.
Ang mangyayari lamang ay, mawawalan ang katawan ng muscle
strength kapag nag-ehersisyo ng walang laman ang tiyan. Dahil dito, mas mabilis
na mawawalan ng gana o sigla ang katawan na mag-ehersisyo,magkagayon ay
malaking kabawasan ito sa dami ng pagsusunog mo ng calories. Ang kawalan ng
lakas ng ating kalamnan ay pagkawala rin ng enerhiya sa katawan para
makapagbawas ng timbang.
Ito ay pareho lamang sa mga pag-aaral na nagpatunay na higit
kumulang 45 grams na pagkonsumo ng carbohydrate bago ang ehersisyo ay kayang
magpigil sa iyong gutom sa buong araw.
Sapagkat ang ang page-exercise ng gutom ay nagpapahirap
lamang sa katawan na magkaroon ng gana at sigla, ito ay magreresulta lamang sa
iyo na magutom muli imbes na hindi na. Sapat na na kumain ka muna ng
masustansyang pagkain 30 minutos bago ka mag-ehersisyo.
Source: medicmagic.net
Comments
Post a Comment