Batang Lumaki Sa Happy Family Mas Matalino

Bawat bata ay ninanais na magkaroon ng isang happy family. May mommy na nag-aaruga at may daddy na gumagabay sa kanya. Pangarap ng bawat bata na makadama sila ng pagmamahal sa kanilang mga magulang. At alam ninyo bang ang batang lumaki na mayroong masayang pamilya ay mas matatalino kaysa sa mga batang walang pag-aaruga ng magulang o mga batang lumaki sa bahay ampunan.

Base sa pag-aaral ng mga eksperto sa child psychology ay malaking tulong para mapabilis ang mental development at lumaking matalino ang mga bata sa tulong ng pagkakaroon nila ng loving parents.

Nagkakaroon ng mabilis at pag-boost sa healthy at tamang brain growth lalo na at puno ng pagmamahalan, kasiyahan at mabubuting bagay sa loob ng kanilang tahanan.

Kaya ang mga bata na lumaki o nalipat ang pangangalaga sa ibang tao tulad ng mga bata sa lansangan o ampunan ay may lower level ng gray at white matter sa utak o itinuturing  na 2 importanteng component ng central nervous system.

Kumpara sa mga normal na batang nasa typical na home environment ay may normal na level ng white matter na siyang nagre-relay ng mensahe sa utak habang ang gray matter naman ay nagko-contain ng nerve cell na siyang resposable sa muscle, senses, memorya,emosyon at sa speech.

Base sa kanilang research, ang pagbaba o absence ng stimulation na nagre-require ng normal na brain development ay nangagaling sa pagmamahal at pangangalaga na nararamdaman nila habang nae-exposed sila sa loob ng tahanan.

Ang tatlong aspeto ng physical, psychological at emotional na bahaging bata ay nasasakop at kumukumpleto sa kanyang pagkatao o personalidad ngunit mas nakalalamang na magkaroon ng improvement sa kakayahan nilang mag-isip at umunawa.

Maaari rin namang ma-improve ang kondisyon ng mga bata kahit na galing sila sa foster family kung sapat naman ang ipinararamdam at ipinakikita ng kanyang mga kinikilalang magulang na nagtuturing sa kanya bilang tunay na anak.

Nagsisilbi ang white matter sa ating utak bilang key role para magkaroon tayo ng abilidad na matuto at mag-function ng tama ang utak kung saan ang kakulangan at pagkasobra sa mga matter na ito sa utak ay posibleng magdulot ng epekto sa IQ, language skill at sakit tulad ng attention deficit, hyperactivity at mental health problem.

Nais mo bang lumaking matalino ang iyong anak? Palakihin sila sa pagmamahal at masayang pamilya at tiyak naming ito ay makatutulong sa kanyang paglaki hindi lang sa pagiging matalino kundi pati sa magandang pag-uugali.

Source: bulgar credits to: Icee Reen Labereno