Kakaibang Nangyayari Bago Ang Menstruation

Ang isang babae ay maaaring maging biglang agresibo. Gaya ng nakakapili ka ng mga damit na sobrang sexy at daring. At hindi lang yan, mas gugustuhin mong sumama sa mga tipong bad boy kaysa doon sa mga lalakeng tahimik at simple lang.

Ang mga iyan ay nangyayari sa mga babae kapag ikaw ay nasa oras na ng kung tawagin ay ovulation. Ito iyung pagpapakawala ng mature egg sa iyong uterus patungo sa iyong fallopian tube na handa ng mag-fertilized o kung tawagin ay fertile period.

Ang mga nabanggit na halimbawa ay mga kakaibang nangyayari sa mga babae bago sila reglahin (menstruation). At ito ang ilan sa mga katotohanan tungkol riyan ayon sa Shine:

Pagpili Ng Mga Sexy Na Pananamit

Sa oras ng ovulation, ang mga babae ay mas na-eenganyo na pumili ng mga damit na masisikip at iyong magmumukha silang sexy sa paningin ng mga kalalakihan. Iyan ay ayon sa nailathala ng Journal of Consumer Research.

Nais makihalubilo sa mga Bad Boy

Karamihan sa mga babae ay mas nais maka-date ang mga lalake na tipikal o iyong may good boy image. Pero ayon sa pagsasaliksik, labing-isang araw mula sa simula ng ovulation, ay mas prefer ng babae na sumama o makihalubilo sa  mga lalaking mala-action star ang imahe.

Nagiging Shopaholic

Sampung araw bago mag-regla, ang mga babae ay lalo pang kinahihiligan ang pag-sho-shopping. Ito ay ayon sa isang survey na tinugunan ng 500 kababaihan. Bakit kaya nangyayari ito? Sa pamamagitan ng pag-sho-shopping, kinakayanan ng mga babae ang pagiging maramdamin na nagaganap tuwing pabago-bago ang kanyang hormone.

Lumalakas ang gay radar

Mas madali mong nalalaman kung ang ka-date mong lalake ay bading o hindi. Ayon sa isang pag-aaral kung saan pinakitaan ang mga babae ng 80 litrato ng mga lalake at bakla ay mas madali nilang natukoy kung sino ang tunay at kung sino ang hindi. Kaya kung may umaaya sa iyong makipag-date, i-take advantage mo ang iyong ovulation period kung nais mong makasiguro.

Madalas ang mga pantasya na may kinalaman sa pakikipagtalik

Kapag malapit nang reglahin ang isang babae, ay dumadalas ang kanyang pantasya na siya ay may katalik lalo’t sa mga dalaga. Ito ay ayon sa pagsasaliksik na isinagawa ng University of Lethbridge Canada. Bukod pa riyan , ay mas madalas silang ma-arouse sa mga lalakeng gusto nila.

Source: medicmagic