Mabuting Dulot Ng Black Coffee Sa Mga Lalake

Parte na ng almusal ang pag-inom ng kape sa umaga ng bawat tao sa mundo. At para sa mga kalalakihan ang balitang ito, alam ninyo bang ayon sa pag-aaral na ang pag-inom ng black coffee ay maigi sa iyong kalusugan ng iyong semilya? Alamin ang tungkol rito.

Para sa mga adik sa kape, nakakagana kumilos at gumawa ng aktibidad kapag sila ay naka-inom ng kape. Sumisigla sila t nagiging aktibo. Hindi lang iyan, ayon sa pag-aaral na isinagawa ng University of Sao Paulo Brazil, na ang pag-inom ng black coffee ay may benepisyong hatid sa male fertility.

Ang resulta ng pag-aaral na ito ay nailathala sa Journal of the American sa Society for Reproductive Medicine conference sa San Antonio, na sinasabing ang semilya ng lalake ay nagiging masigla at nagdudulot ng pagtaas ng male fertility.

Mayroong isang grupo ng mga tagapagsaliksik sa University of Sao Paulo ang nagsabi pa na mas masigla ang semilya ng mga lalakeng umiinom ng black coffee sa umaga kaysa sa mga hindi.

Ang pag-aaral ay isinagawa sa 750 lalake na magpapa-vasectomy ( isang uri ng surgical contraception sa mga kalalakihan). Ang mga ito ay hinati sa apat na grupo base sa pagkonsumo nila ng kape.

Ang apat na grupo ay hinati sa mga lalakeng hindi umiinom ng kape, mga lalakeng umiinom ng 1 hanggang 3 tasa ng kape sa isang araw, mga lalakeng coffee drinker na kayang umubos ng 4 na tasa ng kape sa isang araw at mga heavy coffee drinker na kayang umubos ng 6 na tasa ng kape sa isang araw, na mayroong sukat na dami na 100 ml.

Ang resulta, iyong mga regular na umiinom ng kape (1-3 tasa sa isang araw) ay may mas maiging kalidad ng semilya kaysa sa mga hindi umiinom ng kape.

Ayon sa mga researcher, ang caffeine na mayroon sa black coffee ay nakapagpapabilis sa pagkilos ng semilya at ito ay nakatutulong upang mapabuti ang proseso ng IVF ( In Vitro Fertilization), isang uri ng fertilization sa labas ng sinapupunan.

Ngunit pakatandaan din na ang labis na pag-inom ng kape ay maaari ding magdulot ng sakit gaya ng stroke dahil nakakasira ito ng blood vessel walls. Sa mga nagbubuntis naman, nakapagpapataas ito ng heart rate, inaatake ang placenta, pinapasok ang blood circulation at maaaring magresulta sa pagkamatay.

Source: medicmagic