Kumpara sa mga babae, mas lapitin ng sakit ang mga lalake. May pag-aaral kasi na ang mga lalake, kapag nakararamdam ng sakit o sintomas ng sakit ay hindi ito pinapatingin kaagad sa doktor hanggang sa ito ay lumala na.
Ayon sa Life Mojo, ito ang lima sa health problem o mga
sakit na karaniwang dinaranas ng mga lalake.
Sakit Sa Puso
Kumpara sa mga babae, mas malaki ang bilang ng mga lalakeng
namamatay sa sakit sa puso. Tulad nga kasi ng nabanggit, dulot ito ng
pag-uugali ng mga lalake na pabaya sa kalusugan, hindi agad nagpapatingin sa
doktor para kumonsulta kapag may nararamdaman na sintomas ng karamdaman.
Ilan sa mga risk factor na maaaring dahilan ng sakit sa puso
ay ang edad, family history, paninigarilyo, mataas na kolesterol, high blood,
kawalan ng ehersisyo, sobrang katabaan o obesity, at diabetes.
Hindi mo kayang kontrolin ang edad at pati na baguhin ang
iyong family history , pwede mo namang baguhin ang iyong pamumuhay, matutong
mag-ehersisyo, kumain ng masustansyang pagkain, magdyeta at umiwas sa bisyo
tulad ng alak at sigarilyo.
Stroke
Ang pinakadelikadong sakit na pumapatay sa mga lalake
maliban sa sakit sa puso at kanser ay ang stroke. Hypertension ang karaniwang
dahilan ng stroke kaya’t para maiwasan ito ay kailangang matuto kang i-kontrol
ito.
Umiwas sa paninigarilyo, bawasan ang pag-inom ng alcohol at
magkaroon ng malusog na pamumuhay upang makaiwas sa stroke. Mag-ehersisyo ng
regular tulad ng pag-jo-jogging at paglalakad. Makatutulong din ang yoga at
meditation para ma-relax.
Pagpapakamatay at Depresyon
Mas madami ang bilang ng mga lalakeng nagpapakamatay kaysa
mga babae. Depresyon ang dahilan kung bakit nagpapakamatay ang isang lalake.
Iyong mga lalake na nakararamdam ng pagkabigo at depresyon ay hindi nabibigyan
ng tamang atensyon at gamutan kaya’t nauuwi sa pagsu-suicide.
Mas makikita naman ang mga sintomas ng depresyon sa mga
lalake kaysa sa mga babae. Naipapakita nila ang kalungkutan sa pamamagitan ng
galit, paninigarilyo, mapanganib na pag-uugali, lubos na pagtatrabaho, midlife
crisis, at pag-abuso sa alcohol at droga.
Iniisip ng mga lalakeng dumaranas ng depresyon na wala nang
saysay ang kanilang buhay at ang pagpapakamatay ang solusyon para matapos ang
kanyang paghihirap. Ang paghahanap ng medical assistance ang tamang paraan para
labanan ito.
Lung Cancer
Isa ito sa mga pangunahing sakit na kinakaharap ng mga
lalake. No. 1 killer ito sa mga lalake pati na sa mga babae. Ang taas ng
panganib sa lung cancer ay dulot ng pagkalantad sa amoy ng sigarilyo. Bukod pa
sa sigarilyo, ito rin ay maaaring dulot ng family history, polusyon ng hangin,
at pagkalantad sa radon.
Para makaiwas sa sakit na ito ay tigilan mo na ang
paninigarilyo.
Kanser sa Prostate
Pangalawa sa lung cancer ay ang prostate cancer na
pangunahing sakit ng mga lalake. Ang sakit na ito ay nagagamot. Lalo’t habang
maaga ay naagapan na. Mahirap alamin kung mayroon kang prostate cancer sapagkat
wala itong sintomas hanggang sa kumalat na lang ito sa iyong katawan. Screening
ang tamang paaran para makita kung mayroon kang kanser sa prostate.
Iba pang risk factor ay ang advanced age at high fat na
dyeta. Ang mga lalakeng mahilig kumain ng red meat at iba pang high fat dairy
products at hindi isinasama ang pagkain ng sariwang gulay at prutas sa kanilang
dyeta ay nasa panganib na magkaroon ng prostate cancer.
Kaya’t dapat na magkaroon ng healthy diet sa pamamagitan ng
pagkain ng masusustansyang prutas at gulay, ang tamang dyeta na rekomendado ay
low fat diet, mag-ehersisyo din at bawasan ang pagkain ng red meat.
Source: medicmagic
Comments
Post a Comment