Mahilig ang mga babaeng magpa-manicure at pedicure kada dalawang linggo, ang iba nga’y mas madalas pa rito. Kaya naman isang patok na negosyo rin ngayon ang nail salon dito sa Pilipinas. Kung ikaw ay lisensyadong nail tech o isang entrepreneur na naghahanap ng isang negosyong patok, maaaring ang pagpapatayo ng isang nail salon ang iyong pinakahihintay. Ang pagkakaroon ng magagandang kuko ay tiyak na nasa listahan na ng mga kababaihan tulad sa pagbisita nila sa isang nail salon. Makikita mong ang mga babae ay nagkakandarapa na makita ang kanilang manikurista..
Ito ang ilan sa mga mahahalagang bagay sa pagsisimula ng nail salon:
LEGAL
Upang maging legal ang iyong negosyo ay nararapat lamang na
isang lisensyadong nail tech o certified ka sa pagsasagawa ng manicure at
pedicure o iba pang pag-aalaga sa kuko. Hindi pinahihintulutan ng board of
health ang mga hindi lisensyadong nail tech na mag-operate ng nail salon. Sa
kabilang banda, kung hindi ka man certified nail tech ay mag-hire ka na lang ng
mga taong lisensyado. Bilang isang entrepreneur ay kinakailangan mo ng business
o occupational license at iba pang requirements na nire-require ng iyong local.
SERBISYO
Sa pagsisimula ng nail salon ay paka-isipin mo kung anu-ano
ang mga serbisyo ang iyong i-aalok sa iyong mga kliyente. Basic manicure,
pedicure ba, mag-oofer ka ba ng fiber glass at gel nails, o di kaya naman ay
acrylic nails at airbrushed nails? Mas magiging appealing sa iyong mga suki
kung lahat ay pwede mong i-offer sa kanila.
GASTOS
Ang pagbubukas ng nail salon ay nangangailangan ng may
kalakihang puhunan. Sapagkat kinakailangan mong mag-renta ng commercial space
para rito, patok ito sa mga lugar tulad ng shopping center o downtown area kung saan marami kang magiging walk-in customers. Ang ilan sa mga nais magsimula ng
negosyo ay nag-aaply ng maliliit na business loan para makapagsimula. Ang sukat
ng commercial space na iyong kakailanganin ay dapat ibase sa sulat ng negosyong
nais mong simulan. Ilang manicure station ba ang nais mo? Gaano kalaki ang
gusto mong waiting area at reception area. Magbigay din ng ilang silid o pagitan
sa mga manicure station para madaling makakilos ang mga tauhan mo at kliyente.
Nais ng mga nagpapa-manicure na sila ay ma-relax kung kaya’t
ideal ang malawak na espasyo. Huwag ding ipagsawalang-bahal ang proper
ventilation ng lugar dahil ang chemical na ginagamit sa pagmamanicure at
pedicure ay hindi maganda sa pang-amoy lalo pati sa kalusugan.
Bukod sa pagrerenta, kailangan mo din ng puhunan sa manicure
station, supplies, furnishings at furniture para sa waiting at reception area
at pati na rin sa pagreremodel.
SET-UP
Kapag ready na ang nail salon mo ay maging handa ka na sa
pag-hire ng nail tech mo. Magkaroon din ng isang website para sa pagbubukas ng
iyong negosyo para magkaroon ng online presence at magbigay ng magandang
exposure sa iyong negosyo.
Sa ngayon, mas prefer ng mga kliyente na makapag-sched ng
appointment o mangalap ng impormasyon tungkol sa nais nilang subukang serbisyo
gamit ang online website ng isang negosyo.
O ikaw? Nais mo bang mag-negosyo at mahilig ka sa manicure
at pedicure? Bakit hindi mo subukan ang negosyong nail salon?
Source: Businessdiary
Comments
Post a Comment