Tips at Kaalaman Tungkol Sa Outsourcing

Kung akala mo’y malalaking kompanya lang ang pwedeng makinabang sa outsourcing business processes ay nagkakamali ka. Dahil kahit sa anupamang aspeto ng pagnenegosyo, confidential man tulad ng finance o human resource data ay puwedeng i-outsource- Raymond Lacdao, executive director ng industry affairs of the Business Processing Association of the Philippines (BPAP)

Ayon pa kay Lacdao, sa pamamagitan ng outsourcing- mula sa simpleng pagpoproseso ng invoices, hanggang sa koleksyon, mula sa sales at marketing, payroll, at timekeeping hanggang sa mga komplikadong trabaho gaya ng credit risk at portfolio analyses – ang isang negosyo ay nakakapagpokus sa kanilang core competencies pati sa pagtutuon ng pansin sa kalamangan nila sa kanilang mga ka-kompetensya.

Sa pamamagitan ng outsourcing, ang mga nagsisimula lamang magtayo ng maliit na kumpanya ay makakatipid sa labor cost. Tulad ng halimbawa na imbes na mag-hire o magtrain ng sarili mong empleyado at gumastos sa pagpapatayo ng sarili mong training laboratory, bakit hindi mo na lang ito i-outsource at tiyak na malaki ang matitipid mo. Nakakatulong pati ito sa performance level ng iyong kompanya sa kabuuan.

Kailan ang tamang panahon para mag-outsource?

1. Mag-isip maigi kung anong departamento o parte ng trabaho ang nais mong ipagawa sa iba.
2. Isang malinaw rin na indikasyon ng pangangailangan sa outsourcing kapag ang isang kompanya ay nakararanas ng pagtaas sa kanilang labor cost.
3. Tulad halimbawa kapag nahihirapan ka ng maghanap ng empleyado na tatapos sa mga nakabinbin na proyektong iniwan ng dati mong empleyado- magandang option din ang outsourcing.

Sa paghahanap ng tamang provider. Ito ang ilan sa tips para sa tamang pagpili:

1. Kailangang magampanan ng provider ang lahat ng iyong pangangailangan.
2. Alamin ang lokasyon ng provider
3. Alamin ang tipikal nilang kliyente
4. Alamin ang kanilang track record
5. Alamin ang kanilang cost structure at kung kaya mo itong mabayaran

Kung ikaw ay may maliit na negosyo at naghahanap ka ng mga contractor. Maaari kang maghanap sa internet gamit ang Odesk, elance at freelancer website. Ang mga ito ay pangunahing website kung saan libo-libong mga freelancer at contractor ang puwede mong ma-hire. At sila ay nasa iba’t ibang panig ng mundo- mayroong magaling na programmer sa India, graphic designer sa U.K, language translator sa Spain, Web Editor sa U.S, voice talent sa France, at virtual assistant sa Pinas. Saan man sa mundo, ay maaari mo ng i-outsource ang iyong mga pangangailangan sa ilang departamento ng iyong kompanya gamit ang internet.

Source: entrepreneurph magazine