Tips Para Labanan Ang Depresyon (Depression)

Bumagsak ka ba sa pagsusulit? Naghiwalay na ba kayo ng iyong kasintahan? O namatayan ka ba ng minamahal sa buhay? Ang ilan sa mga ito ay dahilan upang ang isang tao ay makaranas ng Depression. May ilang kondisyon kung saan nagiging mapanganib ang depresyon. Kaya’t bago pa ito mangyari sa’yo, heto ang ilang tips para malabanan mo ito:

Hayaan mo na ang iyong katawan ay maarawan. Maaaring maglabas ang ating katawan ng melatonin hormone kapag hindi ka expose sa sinag ng araw. Ang hormone na ito ay nagdudulot ng pakiramdam ng kalungkutan at depresyon.

Lumalabas ang melatonin hormone kapag ang isang tao ay nasa madilim na lugar o kwarto. Nakapagpapababa ito ng body temperature at maaari kang makaranas ng panghihina.

Kung ang isang taong depress ay palaging nagkukulong sa madilim na kwarto, mahihirapan siyang labanan ang ganitong pakiramdam.

Magpaka-busy ka. Nagdudulot ito sa tao ng inspirasyon. At dahil sa pagiging busy mo, pwede mong makayanan ang depresyon na iyong nararanasan. Pwede kang gumawa ng mga aktibidad tulad ng paglalakad sa parke, pag-eehersisyo, pagbabasa ng aklat, o mga aktibidad na magdudulot sa iyo ng kasiyahan o ng excitement. Magkaroon ka ng makabuluhang goal sa iyong buhay at maging positibo ka sa pagabot ng mga ito. Ito ay maghahatid sa iyo ng kasiyahan at tiyak na malalabanan mo ang kalungkutan at depresyon.

Magkaroon ka ng time na makapagpahinga o di kaya nama’y makapag-relax. Makinig ng mga magagandang awitin o subukan mong pumunta sa spa para magpamasahe ng katawan.

Kumain ng mga masusustansyang pagkain. Iwasan ang mga pagkain na maraming sugar, caffeine at pati na alcohol. Sa panandalian ang sugar at caffeine ay nakapagbibigay ng enerhiya, ngunit sa kalaunan ay sanhi rin ang mga ito ng pagkabalisa, tensyon at iba’t ibang internal problem.

Ang iba dinadaan sa pag-inom ng alcohol para sila ay makalimot sa problema. Ngunit ito rin ay maaaring makapagpalala pa lalo ng sitwasyon.

Kaya’t mag-exercise ka na lang, makakatulong itong labanan ang depresyon. Sa pamamagitan nito, ang katawan natin ay magpo-prodyus ng maraming endorphins, ito ay kung tawagin ay “happy chemicals” dahil sa nakakatanggal ito ng stress at humihimok ng pakiramdam na pagiging masaya.

Makihalubilo sa iyong mga kapamilya at mga kaibigan. Sila ay makatutulong na makapagbigay sa iyo ng moral support. Ang pagkakaroon ng oras sa kanila at pagsali sa mga aktibidad na kasama ang mga mahal mo sa buhay ay nakapagbibigay ng lubos na kasiyahan.

Hayaan mong yumakap sila sa’yo at iparamdam sa’yo na mahal ka nila. Sa paraang ito, mararamdaman mo na marami ang sa iyo ay nakauunawa at nagmamahal. Tiyak na makakayanan mo ang depresyon.

Bukod pa riyan, makatutulong din itong palakasin ang immune system at malabanan ang ilang uri ng karamdaman.

Source: medicmagic