Tips Sa Pagluto Ng Embutido

Ang embutido ay isang meat loaf recipe na swak sa panlasa ng Pinoy. Madalas itong handa sa fiesta o kaarawan. Sa ngayon, mataas ang demand sa embutido kaya bukod sa masarap na sa panlasa, masarap din itong negosyo. Bukod pa riyan ay sobrang dali lamang gawin nito.

Ang mga kailangan na sangkap:

Para sa laman o karne (meat)

800 grams ng pork lean o pigue ( maigi ang pagkadurog)

200 grams ng pork back fat (durog)

Para sa extenders

¼ na tasa ng Texturized Vegetable Protein o TVP

1 kutsarang isolate

½ kutsaritang carageenan

½ tasa ng tubig, tatlong minutong i-haydreyt

Tandaan: ang TVP ay pwedeng idagdag panghalili sa portion ng lean meat

Para sa Seasoning

1 kutsarang asin, dapat ay refined ito

1 kutsaritang phosphate

½ kutsaritang curing salt

6 kutsarang asukal, dapat ay refined

1 ¼ kutsaritang black pepper, ground

2 kutsarang pickle relish

½ kutsaritang vetsin

1 ¼ kutsaritang tinadtad na sibuyas

2 kutsarang raisin (1 kahon)

3 kutsarang hiniwang vienna sausage para sa palaman

2 kutsarang powdered milk

2-4 na kutsarang potato starch

2 kutsarang tinadtad na karot

1 piraso ng sariwang itlog

1 piraso ng chorizo de bilbao, ginayat

¼ tasa ng ginadgad na keso ( opsyonal lamang)

Nilagang itlog na hiniwa sa apat

2 kutsarang mantikilya ( ipapahid sa aluminum foil)

Ready na ba ang iyong mga sangkap. Heto na ang paraan ng pagluto ng Embutido:

1. I-hydrate ang ¼ na tasa ng TVP pati ½ tasa ng tubig sa loob ng tatlong minuto o hanggang sa lumambot.
2. Paghaluin ang karne, asin, phosphate na tinunaw sa tubig, at ang curing saly. Haluin hanggang sa maging madikit. Idagdag ang iba pang sangkap at idagdag pati ang 1 itlog at potato starch sa huling bahagi.
3. Maglagay ng mantikilya sa aluminum foil at ipahid ang meat mixture ( 1 tasa kada rolyo), 1 pulgada kada gilid. I-linya ang nilagang itlog o hiniwang sausage sa gitna. I-rolyo ang karne at i-twist ang magkabilang dulo.
4. Turukin ang foil gamit ang isang aspile. Pakuluan ng isang oras. Pagkatapos ay palamigin.
5. Palamigin sa refrigerator. Tanggalin sa wrapper at hiwain bago i-serve. I-freeze ang embutido kung ibebenta.

Ang sarap ng embutido ano? Tiyak na kapag masarap ang lasa ng iyong pagkaluto ay mahuhumaling ang iyong mga suki na bumili sa’yo. Tunay ngang, isang kumikitang kabuhayan ang pagbebenta ng embutido.

Source: businessdiary