Dapat Gawin Sa Kapitbahay Na Nananakot (Neighbor's Quarrel)

May matinding neighbor’s quarrel ba kayo? Tipong nakararanas ka na ng pananakot o tipong nagkakalat na na ng tsismis ang iyong kapitbahay na hindi maganda tungkol sa iyo? Ito ang ilan sa tips kung anong dapat gawin kapag nanakot na ang iyong kapitbahay.

Know the exact problem. Determinahin mo kung ano at saan ba nangagaling ang problema. Kung may naririnig ka sa tsika ng ibang kapitbahay na nagsasalita siya nang hindi maganda tungkol sa iyo, hindi naman ibig sabihin na totoo na. At baka naman iba rin ang iyong mga narinig. Bago ka magwala sa sitwasyon, tiyakin na alam mo talaga ang tunay na problema.

Be civilized. Manatili kang sibil at kampante. Mahihirapan ang kapitbahay na makipagtalo sa isang taong palakaibigan at mabait. Panatilihin mo pa rin sa iyong ugali na maging “palabati” at laging nakangiti sa kanya sa tuwing makikita mo ang iyong kapitbahay. Kahit na wala kang nakikitang good side niya, basta patuloy kang maging mabait sa kanya, tiyak na kakampihan ka pa ng iba mo pang kapitbahay at hindi ikaw ang lalabas na may problema.

Note down important events when you got bullied by your neighbor. Isulat sa isang notebook ang mga petsa, oras at detalye ng kanyang panghaharass o o pananakot. Kung magtatapos kayo sa paghaharap sa korte ay may mga dokumento kang maipapakita. Sa pamamagitan nito ay mailalatag mo ang mga pagkakataon na nangyari sa pagitan ninyo noon.

Use a voice recorder. Gumamit nito kapag nag-uumpisa nang magsalita nang hindi  maganda at sigawan ka nang harap-harapan ng kapitbahay. Puwede ring mag-iwan ng voice recorder sa ilalim ng mesa habang sinisiraan ka niya sa ibang kapitbahay. Sa ganitong paraan at least, ang ma-irecord ang lahat nang pangyayari ang magbibigay sa iyo ng patunay na kakailanganin kung sakaling ma-ireport ang insidente sa mga awtoridad.

Call the authority. Tawagan ang mga awtoridad kung dama mo na parang namemeligro ang iyong pamilya. Kaligtasan mo at ng iyong pamilya sa sitwasyon ang gusto mong mangyari kaya pulisya na ang iyong timbrehan. Hindi ka na mag-aaksaya nang oras para ‘di mabatid ng pulisya ang lahat. Subalit kung maliliit lang naman ang problema at hindi makasasakit ang sitwasyon ay huwag nang itimbre sa awtoridad, mag-usap na lamang ng maayos.

O ikaw? May neighbor’s quarrel ba kayo? Baka nararanasan mo na ang pananakot sa iyong kapitbahay at tiyak kong makatutulong sa iyo ang tips na ito.
Basahin din: Tips Para Di Manakawan Kapag Turista Ka Sa Abroad

Source: Bulgar credits to Nympha Miano Ang