Tips Sa Paggawa Ng Buko Pie

Isa sa paboritong pasalubong lalo na’t kapag galing ka ng Laguna ay ang Buko Pie. Kaya’t kung nais mong magsimula ng buko pie business-ito ang tips namin para sa’yo-ang paraan sa paggawa ng buko pie.

Sa Paggawa  ng Crust, ito ang mga kailangan:

2 tasa ng all purpose flour

1 tsp ng asin

2/3 tasa ng mantikilya

1 piraso ng pula ng itlog

1 tsp ng suka

¼ tasa ng tubig

Ito naman ang mga dapat ihanda sa paggawa ng Filling:

4 tasa ng laman ng Buko

1 tasa ng sabaw ng buko

1 300 ml lata ng kondensada

2/3 tasa ng corn starch

Ngayong alam mo na ang mga kakailanganin sa paggawa ng masarap na Buko Pie. 

Heto na’t lutuin na natin ‘yan- Ganito ang gawin mo katoto:

1. Paghaluin ang harina at asin sa isang mangkok. Hiwain ang mantikilya gamit ang pastry cutter o kahit ng dalawang kutsilyo.
2. Ipagsama ang pula ng itlog, suka at tubig, dahan-dahang idagdag ang tubig sa harina hanggang sa puwede mo ng hawakan ang dough o masa.
3. Hatiin ang dough sa dalawang parte, dapat na mas malaki iyung isa. I-rolyo ang malaking dough ng mga hanggang dalawang pulgada na mas malaki sa 16-inch na pie plate.
4. Pagpantayin ang dough sa pie plate, hayaang nakalaylay ang gilid
5. I-rolyo ang natirang dough para naman sa crust
6. Itabi mo muna ang iyong ginawa.
7. Ngayon, pagsamahin ang mga sangkap ng Filling sa isang makapal na kasirola
8. Lutuin at haluin hanggang sa kumapal ito
9. Palamigin at ihalo sa nakahandang crust
10. Takpan gamit ang ginawa mong top crust: tupiin ang gilid para i-selyo.
11. Lutuin sa hurno ng isang oras at 425 degrees F

O hindi ba’t ang dali-daling makagawa ng isang masarap na buko pie. Kaya’t kung naghahanap ka ng sideline o pwedeng pagkakitaan kahit nasa bahay lang, magandang simulan ang patok na negosyong buko pie. Ang tagumpay ng negosyong ito ay magdedepende sa sarap ng iyong luto at karisma sa pag-aalok ng iyong masarap na buko pie.

Web Source: Businessdiary dot com dot ph