Beauty Tips Ngayong Rainy Season

Beauty Tips-Tuwing rainy season, hindi maganda ang gumamit ng makapal na make-up dahil malakas ang tsansa nitong mabura at kumalat sa mukha. Kaya mas maigi kung light make-up lang ang iyong gagamitin.

Gumamit ng water proof mascara, liners, foundation at transfer resistant lipsticks kung talagang kailangan mo. Pero heto ang ilang tips para mapanatili ang iyong ganda kahit bumubuhos ang ulan.

1. Maghilamos at linisin ang mukha ng lubusan. I-rub ang ice cube sa iyong mukha sa loob ng 5 hanggang 10 minuto upang mabawasan ang pagpapawis. Tiyak na kapag naglagay ka ng make-up, ito ay mananatiling matagal.
2. Ang mga kababaihang may oily skin ay pinapayuhang gumamit ng astringent habang ang mga may dry hanggang sa normal skin ay puwedeng gumamit ng toner matapos ang pagra-rub ng yelo upang mapalamig at manatiling fresh ang balat.
3. Iwasang gumamit ng foundation at ihanda ang base ng iyong make-up gamit ang pulbos.
4. Ang light brown beige, pastel o pink cream na eye shadow ay puwedeng gamitin kasama ng makapal na eyeliner at waterproof mascara.
5. Ang soft matte lipsticks ay mas magandang tingnan sa mga babae tuwing tag-ulan. Pero kung wala ka nito, maaari kang gumamit ng soft brown o pink shade na may kasamang sheer gloss.
6. Huwag kalimutang gumamit ng water based moisturizers tuwing tag-ulan upang maiwasan ang pagkakaroon ng oily skin, acne at kawalan ng tubig dahil sa pagpapawis. 
7. Panatilihing simple ang iyong hairstyle. Ang mga detalyadong hairstyle ay mas mahirap panatilihin at gawin kung sakaling ito ay mabasa, hindi rin ito magandang tignan.Sa halip, puwede kang mag-bangs at layered hairstyle.
8. Ang makikinang na alahas ay uso tuwing tag-ulan. Bukod dito, maaari ka ring gumamit ng stone studded jewelry. 
9. Kung gusto mong mag-blush, panatilihin mo lang itong manipis at siguruhing naka-blend ng maayos. Pwede kang gumamit ng cream blush na kauri ng kulay pink,peach at brown.
10. Panatilihing nasa ayos ang iyong kilay ngayong tag-ulan sa pamamagitan ng pagbubunot ng mga sobra at paggamit ng hair gel imbes na eye-brown pencil. 
11. Regular na basain ang iyong buhok at masahihin ang anit upang maiwasan ang pagkakaroon ng dandruff at iba pang problema sa buhok.
12. Iwasan ang paggamit ng denims ngayong tag-ulan. Sa halip magsuot ng light cotton fabrics, capri pants at three fourths.
13. Ang payong at rainy coats ay nasa fashion pa rin. Siguraduhing ang bibilhing payong at rainy coat ay masayang kulay.
14. Iwasan ang magsuot ng puti dahil dumihin ito. source: Bulgar