Ang tinatawag na Herpes Zoster ay isang sakit ng ating "sensory nerves na dala ng "Varicella zoster virus" na nagdudulot ng bulutong tubig o chicken pox.
Tips To Cure Herpes Zoster "Shingles" |
Mas kilala ang herpes zoster sa pangalang "Shingles" at madalas na magkaroon ng sakit na ito ang mga adult kaysa sa mga bata.
Ito ay nagsisimula bilang mapupula at alsadong area sa balat, nagtutubig ito sa loob at nagdidikit, pumuputok at naglalangib. Ang rash na ito ay nakikita lamang sa isang lugar o panig ng dibdib,likod, batok o sa tiyan.
Sa unang encounter natin sa varicella virus, bulutong-tubig (chicken pox) ang nakukuha natin at ito ay hindi na nauulit pa subalit, sa susunod na encounter natin sa varicella virus, Herpes Zoster na ang lalabas at ito ay depende sa ating immune system.
Kapag ang isang tao ay na-expose sa isang taong may Herpes Zoster at hindi pa ito nagkakabulutong tubig, puwede itong mahawa at magkaroon ng bulutong tubig.
Masakit at makirot ang Herpes Zoster sanhi ng iritasyon ng apektadong nerve sa ilalim ng balat. Sadyang makirot ito kaya nahihirapan ang mga matatandang apektado nito.
Ang rash ay nawawala makalipas ang dalawang linggo subalit ang kirot sa ugat ay maaaring magpatuloy sa loob ng maraming linggong susunod pa.
Walang tiyak na gamot sa herpes dahil ito ay dala ng virus.
Kaya madalas ay pampakalma lamang ang ibibigay tulad ng analgestics o kaya naman ay pampaalis ng kati (anti-histamine drugs) at pampatuyo ng langib (calamine lotion)
Ang ibinigay sa iyo na KMn04 (potassium permanganate solution) ay pang dressing lamang at ang Doloneurobion ay bitamina para sa ugat.
Bihirang maulit ang atake ng Herpes Zoster sa isang tao. source: Bulgar:Sabi ni Doc-Shane Ludovice M.D
Comments
Post a Comment